Bahebërë 10:33 - Mankanya

³³ Babi karan ŋwal ŋloŋ ahajanan kë nawo bten bi bañaaŋ, kë ŋwal ŋloŋ naţok na banhajuŋ haŋ.

Bahebërë 10:33 ပူးပေါင်းရင်းမြစ်များ

Kañaam 71:7

Bañaaŋ baŧum babi ñoŋar ţi uko wi naan, kë iwi işë wo dko di mmeniiŋ dantuhuŋ bnuura.

1 Korinŧ 4:9

Naşibaţi awo wo ji aţu un ŋnwooŋ banjañan du kafeţ ji bañaaŋ banjubanuŋ aŧaaŋ na pkeţ. Ŋkak bten bi umundu bŧi : ŋwanjuŧ na bañaaŋ bajën.

2 Korinŧ 12:10

Uko waŋ ukaaŋ kë nji kalilan wal wi pţaş Kriŧtu pajaaŋ pado mbiişna, kë bakkarën, kë nwo ţi unoor, ţi mnhaj, ahaajala. Na manjoonan, wal wi mbiişniiŋ wi wi njaaŋ kawo na mnhina.

Filipiya 1:7

Unuura nwo na uşal uŧënţ waŋ pa an bŧi. Na manjoonan dţu'an ţi uhaaş wi naan, woli dwo ukalabuş këme awo ţi pgutar Uţup Ulil Unuura, an bŧi naji naţënkën ţi ulemp wi Naşibaţi awulnuŋ.

Filipiya 4:14

Kë an naşë do bnuura wi naţënknuŋ ţi unoor wi naan.

1 Teŧalonika 2:14

An bayiţun ţi Kriŧtu, hënkuŋ nawo ji banfiyaaruŋ Yeŧu Kriŧtu, bañaaŋ biki Naşibaţi na manjoonan, banwooŋ du uŧaak wi Yuda : nahaj ţi iñen yi biki uŧaak wi nan jibi bahajuŋ ţi iñen yi biki uŧaak wi baka.

2 Timote 1:8

Wutan keeri kakowa pţiiniyaan uko wi Ajugun, wutan kakowara nji nwooŋ nakalabuş pa ul ; hajan na nji pa Uţup Ulil Unuura, mnhina mi Naşibaţi manşë mando kaţënku.

Bahebërë 11:26

Afiyaar kë pwut bakowandëna ji Kriŧtu paka udooni apel pyok bŧi panwooŋ ţi Ejiptu, aten alowan aşal katuum kankluŋ kayeenkana.

Bahebërë 11:36

Baloŋ kak babeŋ baka akob baka na itinŧël, baloŋ kë batan baka awat ukalabuş.

Bahebërë 12:4

Ţi ugut wi nakgutuŋ na pekadu, naando bi gutan te pkeţ.

Bahebërë 13:13

Nawulën keeri ŋya du Yeŧu, du bdig bi dko di bañaaŋ bafëţuŋ, ŋwo na mnkow mnŧënţ mi nul.