Bahebërë 10:23 - Mankanya

²³ Nawulën ŋmëban ŋliinŧ ţi uko wi ŋhaţuŋ akuţ aţup. Na manjoonan, ŋme kë Naşibaţi aji do uko wi ahoŋuŋ.

Bahebërë 10:23 ပူးပေါင်းရင်းမြစ်များ

Kañaam 26:1

Kayeeh ki pñaamarën Naşibaţi ki kapënna ţi ulibra wi Dayiţ. Iwi, Yawe Nawat Kabuka, wayëşaan, dwo ñaaŋ naŧool. Iwi, Nawat Kabuka, dhaţ ţi iwi, mënkpën ţi bgah bŧool.

1 Korinŧ 1:9

Naşibaţi aji do uko bŧi wi ahoŋuŋ, ul andatanaŋ nawo ţi ploolan na Abukul Yeŧu Kriŧtu Ajugun.

1 Korinŧ 10:13

Mnhaj mi nahajaŋ, baloŋ bahaj ma. Kë Naşibaţi aşë luŋ kado uko wi ajakuŋ, aankdinan iko mënţ iwuukan nado buţaan bi nawooŋ naankhilan pbuur. Woli iko mënţ iwuukan nado buţaan aji dolan nabuur kakuţ kaţijan kaliinŧ.

2 Korinŧ 9:13

Bañaaŋ baŧum bawin ţi ulemp wi nakdoluŋ wuŋ kë nafiyaar abot aŧiink Uţup Ulil Unuura wi Kriŧtu aji naţënk baka bnuura kakuţ kaţënk bañaaŋ bŧi, wal mënţ badëman Naşibaţi.

1 Teŧalonika 5:24

Andu'anaŋ ado uko mënţ ; aji do uko wi ajakuŋ.

2 Teŧalonika 3:3

Ajugun aji do uko wi ajakuŋ : adolan naliinŧ ţi pfiyaar pi nan kabot kabuuranan ţi nawuţaan.

Tit 1:2

Mnhaţ mi ubida wi mnţo manwoona ţi iko mënţ. Ubida mënţ, Naşibaţi anwooŋ aanji ţilan ahoŋuŋ wa undiimaan wi apaşuŋ umundu.

Bahebërë 11:11

Pfiyaar pakaaŋ kë Abraham ahil abuk wi adooŋ aţaf maakan kë Ŧaara aharul akak aţañan kañowa, afiyaar na manjoonan kë Naşibaţi ado uko wi ahoŋuŋ.

Bahebërë 3:1

An bayiţ naan nanwooŋ bajinţ ţi këş ki Naşibaţi kë adatan, natenan keeri ţi Yeŧu. Naşibaţi ayila kë awo naşih i baţeŋan, uko mënţ wi wi ŋfiyaaruŋ akuţ aţup.

Bahebërë 3:14

Ŋwo ţi ploolan na Kriŧtu na manjoonan woli ŋmëban te ubaañşaani ţi mnhaţ mi ŋbiiŋ awoonaan du ujuni.

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

Bahebërë 4:14

Name kë ŋka naşih i baţeŋan naweek anyaaŋ te du baţi : ul awooŋ Yeŧu, Abuk Naşibaţi. Ukaaŋ kë ŋwo kamëban kaliinŧ ţi uko wi ŋjakuŋ aji ŋfiyaari.

Bahebërë 6:18

Naşibaţi aanhil kaţup uko unwooŋ uunjoonani, ukaaŋ kë uko wi ahoŋuŋ amehna uunhil kaţëlëş. Hënk, nja ŋnţiiŋ aya du Naşibaţi ŋwo na mntëŋ mnweek kahilna kayeenk uko wi ŋhaţuŋ unkmbiiŋ.

Yakob 1:6

Kë woli ñaaŋ añehan, awo kafiyaar kawut kawo na ŋşal ŋtëb, ţiki ñaaŋ anwooŋ na ŋşal ŋtëb anaam umaroŋ uweek, wi uyook ujaaŋ udeeŋ kaluŋ luŋan.

Uko wi ayuujuŋ Yowan 3:11

« “Dbi hënkuŋ, namëbaan bnuura uko wi nayeenkuŋ, nin ñaaŋ aloŋ awutna kayeenk katuum ki nan.