Bahebërë 10:20 - Mankanya

²⁰ ahaabëş nja bgah bnuura banjaaŋ bawul ubida, banţëpuŋ blaañ bweek banwooŋ ţi kadun ki dko dyimanaan maakan, banwooŋ uleef wi nul.

Bahebërë 10:20 ပူးပေါင်းရင်းမြစ်များ

Bgah 16:15

Wi wi aşaaŋ afaal upi wi bţeŋan bi ppënan ipekadu yi bañaaŋ kaşë kajej pñaak kañooţ kak du kafeţ ki blaañ bweek kado na pa jibi adoluŋ na pi uwit ukaş kalëŧ pa ţi umaala duuţ na ţi kadun ki wa.

Bgah 16:2

aji na a : « Ţiiniin na Aaron naweeku iji na a awut kado kaţëp blaañ bweek banŧaaŋuŋ na dko dyimanaan maakan jibi aŋaluŋ. Dul di umaala wi uwuuru unhanknuŋ klaak kanfejaniiŋ apiiŧna bhoŋar uwooŋ. Woli aţëp blaañ akeţ ţiki dul di njaaŋ kabi ţi kanfëluŋ ţi umaala duuţ.

Maci 27:51

Wal mënţ, blaañ bkëm maakan banjaaŋ baneenan bañaaŋ pneej du dko dyimanaan maakan di Katoh Kaweek ki Naşibaţi batowa ţi pŧoof. Kë mboş mankuţ aşinţar, mnlaak mnweek mantowaa,

Markuŧ 15:38

Blaañ bkëm maakan banjaaŋ baneenan bañaaŋ pneej du dko dyimanaan maakan di Katoh Kaweek ki Naşibaţi batowa ţi pŧoof.

Yowan 10:7

Wi wi akaaŋ aţiini na baka aji : « Na manjoonan, dţupan nji dwooŋ plëman pi ŋkaneel ŋakţëpnuŋ.

Yowan 10:9

Nji dwo plëman. Woli ñaaŋ aţëpna ţi nji aluŋ kabuur, aluŋ kado kaneej kakak kapën kaşë kaka uko ude.

Yowan 14:6

Kë Yeŧu aŧeema aji : « Nji, dwooŋ bgah, manjoonan na ubida. Nin ñaaŋ aankya du Naşibaţi Paapa bë aanţëpna ţi nji.

Efeŧ 2:15

Apënan ţi bgah bi Moyiŧ udolade wi ba na iko yi pţaş inwooŋ ţi ba injaaŋ ido bayuday na banwooŋ baanwo bayuday başoorad. Ado haŋ ahilna ajej baka bukal batëb bŧi akakan baka kë bawo baloolan ţi a, hënk di di aţijuŋ bŧiinkar.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

Bahebërë 6:19

Mnhaţ mënţ manwo uko unţijanuŋ ubida wi nja, manji mando nja ŋneej kaţëp blaañ bweek banŧaaŋuŋ na dko dyimanaan maakan, di Naşibaţi awooŋ.

Bahebërë 9:3

Kë du kafeţ ki blaañ uka da umbaŋ utëbanţën wi bajaaŋ badu dko dyimanaan maakan.

Bahebërë 9:8

Uhaaş wi Naşibaţi udiiman bnuura ţuŋ uko mënţ kë bgah bneejni du dko dyimanaan maakan baanji bahaabşa, woli dko dyimanaan danwooŋ ţi mboş dawohaara wo da.

1 Piyeer 3:18

Ipekadu yi bañaaŋ ikaaŋ kë Kriŧtu ţi uleeful ahaj byaaş bloolan ; anwooŋ naŧool akeţar banwooŋ baanwo baŧool, kahilna kañooţan du Naşibaţi. Bafiŋa ţi uleef kë Uhaaş wi Naşibaţi uşë naţana ţi pkeţ.

1 Yowan 4:2

Hënk di di nakyikrënaanuŋ Uhaaş wi Naşibaţi : ñaaŋ andinanuŋ aji Yeŧu Kriŧtu akak ñaaŋ najën, awo na Uhaaş wi Naşibaţi.

2 Yowan 1:7

Bañaaŋ baţilan baguuru baŧum babi aniink umundu, baandi pyikrën kë Yeŧu Kriŧtu akak ñaaŋ najën. Ñaaŋ ankdoluŋ haŋ awo naguuru, Naşoorad Kriŧtu.