2 Timote 3:8 - Mankanya

⁸ Jibi Yaneŧ na Yambreŧ babiiŋ alaţ ţfa Moyiŧ, hënk di di bañaaŋ mënţ bakluŋ kalaţ manjoonan. Bawo bañaaŋ biki ŋşal ŋaţopuŋ, bawo bañaaŋ banwooŋ baanhil kafiyaar Yeŧu Kriŧtu.

2 Timote 3:8 ပူးပေါင်းရင်းမြစ်များ

Ppën 7:11

Kë Farawuna aşë do kë badu banwooŋ na ŋşal ŋnŧuŋa na bado dayaamu biki Ejiptu kë bado jibi Aaron adoluŋ na dayaamu di baka.

Ppën 7:22

Kë bado dayaamu biki Ejiptu bakak ado uko mënţan wuŋ na dayaamu di baka. Kë uhaaş wi Farawuna udënëţi kë apok pŧiink bi Moyiŧ na Aaron, jibi Nawat Kabuka abiiŋ aji.

Ppën 8:18

Unuur mënţ kë nşë paţëş Goşen di pntaali pi naan pawooŋ, ŋtiw ŋawutna kawo da, iwi ihilna ime kë nji Nawat Kabuka dwo ţi uŧaak wi.

Ppën 8:7

Ŋbopal ŋalowu, kalow itohu, kalow banjaaŋ baţënku pşih, kalow bañaaŋ biki uŧaaku, ŋawo du bdëk ţañ. »

Ulemp 15:24

Ŋŧiink kë baji bañaaŋ baloŋ biki nun babi du an, ayewlënan akuţ aŧokan ŋşal na ŋţup ŋi baka. Bañaaŋ mënţ, un ŋënyil baka.

Baromeŋ 1:28

Başal aji baanwo i kame Naşibaţi, ukaaŋ kë awut baka ţi ŋşal ŋi baka ŋdah, kë hënk, bakdo iko yi bawooŋ baanwo i kado.

Baromeŋ 16:18

Bañaaŋ ji bukuŋ mënţan baanji balempar Kriŧtu Ajugun, iyiŋ yi baka yi yi bajaaŋ balempar. Baji baguur na ŋţup ŋŧaab ŋi baka ŋŧum bañaaŋ banwooŋ kabaţ kaloolan.

Efeŧ 4:14

Ŋënkak awo keeri bapoţ biki pjukan pi bañaaŋ baloŋ bantituŋ ţi kaguuru pajaaŋ pañooţ du bdëm jibi ŋmaaroŋ ŋajaaŋ ŋaluŋ iţeem, uyook kaya na ya.

1 Timote 1:19

Mëbaan iliinŧ ţi pfiyaar pi nu, ibot iwo na uşal unuura. Baloŋ bapok pţaş uko wi ŋşal ŋnuura ŋi baka ŋakjakuŋ na baka, ukaaŋ kë pfiyaar pi baka paneemi.

1 Timote 4:2

Pjukan mënţ bañaaŋ banwooŋ baguuru akuţ awo baţilan bajaaŋ baniinkan pa ţi uŧaak, bakeţ ŋşal awo wo ji batër ŋa na pfeeru pjeenkal.

1 Timote 6:5

yul na blaţar banwooŋ baankba. Bañaaŋ banwooŋ ţi blaţar mënţ baŧoka ŋşal, baankak ame manjoonan, wi başaluŋ aji plempar Naşibaţi pawo uko ukaani itaka.

2 Timote 4:15

Lipariin iwi ţi uleefu, ţiki abi pok maakan uţup wi ŋkjukanuŋ.

Tit 1:10

Na manjoonan, baŧum ţi bañaaŋ biki Kret baanji bate, aŧum bţup abot aji baguurad. Bayuday banjakuŋ aji bañaaŋ bawo i kawala kaŧëmp bawoonuŋ haŋ.

Tit 1:16

Baji baji bameeŋ Naşibaţi kaşë diiman ţi mnwo mi baka kë bapoka : bawo bañaaŋ banjaaŋ bado iko inţopuŋ maakan, banwooŋ baanji bate, banwooŋ baanhil pdo nin uko uloŋ unuura.

2 Piyeer 2:14

Baji babi ţu ţu ŋşal ţi pjuban pi piinţ, baanji banoor pjuban, kado na pguur banwooŋ baanliinŧi, baji babi duka duka ţi pñeebar iko. Bafëpanaa !

1 Yowan 2:18

An babuk naan, wal wi umundu ukbaaŋ ubani. Naŧiink kë baji Naşoorad Kriŧtu awo i pbi, hënkuŋ kë başooradul baŧum başë do bi bi bi. Uko waŋ ukaaŋ kë ŋyikrën kë wal ubaañşaani ubani.

1 Yowan 4:1

An banoh naan, nawutan kafiyaar bañaaŋ banjaaŋ babubara kaji bawo na Uhaaş wi Naşibaţi, naţëpan ţëp naten bnuura nameena me uhaaş wi bawoonaanuŋ uwoona du Naşibaţi. Bañaaŋ baŧum bandaaruŋ aji bawo baţupar Naşibaţi baniink umundu.

Uko wi ayuujuŋ Yowan 2:20

Kë nşë wo mënlilan ţi uko uloŋ ţi. Nawut ñaaţ anwooŋ Jeŧabel kë awo ţi pŧoofan. Aji ul awo Naţupar Naşibaţi aşë ji guur balempar naan kajukan baka pţopan ŋleef ŋi baka na pjuban pi piinţ kabot kade uyemaţ wi ŋnŧaam ŋi bafiŋaruŋ ŋnŧoŋ.

Uko wi ayuujuŋ Yowan 2:6

Kë naşë ka umbaŋ uloŋ wi nadoli bnuura : napok ji nji iko yi banikolayit bajaaŋ bado.