2 Timote 3:11 - Mankanya

¹¹ Ikak awin wi bañaaŋ baknooranaanuŋ, ahajanaan du Antiyoka, na Ikoniyom na Liŧtra. Mnhaj mnhoŋ mi mi bawooŋ baanhajanaan da ? Kë Ajugun aşë pënanaan ţi ma bŧi.

2 Timote 3:11 ပူးပေါင်းရင်းမြစ်များ

Ulemp 13:14

Kë bukal başë juţa ţi bgah bi baka. Bamuur Perga aya aban ubeeka wi Antiyoka du uŧaak wi Piŧidi. Ţi unuur wi pnoorfën wi bayuday, kë başë neej du katoh kañehanaani aţo.

Ulemp 13:45

Bayuday bakuj baka wi bawinuŋ pnŧuk pi bañaaŋ puŋ, aşë laţ uko wi Pawulu akjakuŋ, akak akara.

Ulemp 14:8

Niinţ aloŋ awo ţfa du Liŧtra anţakmi ihoţ, aji bi wo wo ţi dko dloolan, aambaaŋ kapoşa, ţiki abuka buka haŋ ;

Ulemp 20:19

Dlempar Ajugun, awalan uleef naan awooni, ahaj ţiki bayuday baloŋ babomandër pdolën buţaan.

Ulemp 23:10

Pŋom padëm pdëm paŋ, kë naşih i bangoli adoo ţi babi bakit kitan Pawulu, aşë ji na bangoli bawala baya bapënana ţi pŧoof pi baka, baţija katoh kaweek kanyeŋaniiŋ.

Ulemp 26:17

Dluŋ kayeŋu, ţi bayuday na banwooŋ baanwo bayuday biki nji kayiliiŋ iya.

Ulemp 26:22

Kë Naşibaţi aşë wo na nji te unuur wi nţa wi, kë ndoo naţ ţi kadun ki bañaaŋ bŧi, bampoţi na baweek aţup uko wi mmaaruŋ. Uko wi nji kaţupuŋ uunwo wo uloŋ umpaţi na wi baţupar Naşibaţi na Moyiŧ bajakuŋ ţfa aji ubi kadolana,

Ulemp 9:16

Dluŋ kadiimana bdidi naan mnhaj mi awooŋ i kahaj bŧi pa nji. »

Baromeŋ 15:31

Nañehaan nhil mbuur bayuday banwooŋ baanfiyaar Kriŧtu. Nañehaan kak iko yi nji kañooţuŋ biki Naşibaţi banwooŋ du Yeruŧalem iyeenkana bnuura.

2 Korinŧ 1:5

Na manjoonan, Kriŧtu akaaŋ kë ŋkhaj maakan, kë hënk di di akaaŋ aji tëŋţën nja maakan.

2 Korinŧ 1:7

Uhaţ wi ŋţuuŋ ţi an udëmi ; ŋme kë jibi nahajuŋ ji un, hënk kak di di Naşibaţi aktëŋţënanaŋ ji un.

2 Korinŧ 12:10

Uko waŋ ukaaŋ kë nji kalilan wal wi pţaş Kriŧtu pajaaŋ pado mbiişna, kë bakkarën, kë nwo ţi unoor, ţi mnhaj, ahaajala. Na manjoonan, wal wi mbiişniiŋ wi wi njaaŋ kawo na mnhina.

2 Timote 4:7

Dgutan ugut unuura, dba pţi, dmëban ţi pfiyaar pi nfiyaaruŋ Yeŧu Kriŧtu.

2 Piyeer 2:9

Iko yi idiiman kë Naşibaţi ahil kabuuran ţi mnhaj bañaaŋ bamëbanuŋ ţi a aliinŧ kaşë kaţooran banwooŋ baanwo baŧool bado kayoonk kakob ki baka ţi unuur wi pwayëş, wi baduknaaniiŋ.