2 Timote 1:8 - Mankanya

⁸ Wutan keeri kakowa pţiiniyaan uko wi Ajugun, wutan kakowara nji nwooŋ nakalabuş pa ul ; hajan na nji pa Uţup Ulil Unuura, mnhina mi Naşibaţi manşë mando kaţënku.

2 Timote 1:8 ပူးပေါင်းရင်းမြစ်များ

Markuŧ 8:38

Woli ñaaŋ akowara nji na ŋţup ŋi naan ţi kadun ki bañaaŋ biki umundu wi, bandekuŋ Naşibaţi kafeţ abot awo bajuban, nji Abuk Ñiinţ kaluŋ kakowara baka woli dbi na ŋwanjuŧ ŋyimanaan na mndëm mi Paapa. »

Luk 9:26

Woli ñaaŋ aloŋ akowari'aan, nji na ŋţup ŋi naan, nji Abuk Ñiinţ, dluŋ kakowari'a woli dbi na mndëm mweek mi Paapa na mi ŋwanjuŧ ŋyimanaan.

Yowan 15:27

An kak, naluŋ kaţup uko wi nameeŋ ţi nji ţiki du ujuni di di nawooŋ na nji. »

Yowan 19:35

Ñaaŋ ankţupanaŋ uko wi awo namaar, kë uko wi akţupuŋ ubot awo manjoonan. Ame kë uko wi akţupuŋ ujoonani, aţup iko yaŋ an kak nahilna nafiyaar.

Ulemp 5:41

Banjañan bapën ţi uruha, aşë lilan maakan jibi Naşibaţi awinuŋ aji baŧaaŋ na phaj ţi katim ki Yeŧu.

Baromeŋ 1:16

Mënji kakowa pţup Uţup Ulil Unuura : uwo na manjoonan mnhina mi Naşibaţi pa mbuur mi bañaaŋ bŧi banfiyaaruŋ, kajunna duna du bayuday te du banwooŋ baanwo bayuday.

Baromeŋ 16:25

Nawulën ŋdëman Naşibaţi ! Aka mnhina mi pdolan naliinŧ ţi pfiyaar. Uko waŋ wi wi nji njakuŋ wi nji kaţupuŋ Uţup Ulil Unuura unkţiiniyaanuŋ uko wi Yeŧu Kriŧtu, kadiiman manjoonan mammenaniiŋ undiimaan.

Baromeŋ 8:36

Hënk di upiiŧaniiŋ ţi Ulibra wi Naşibaţi aji : « Iwi ikaaŋ kë ŋji ŋñog pkeţ nfa na utaakal. Ŋwo ji ŋkaneel ŋi bakñooţuŋ pya kafiŋ. »

Baromeŋ 9:33

Hënk di di upiiŧaniiŋ ţi Ulibra wi Naşibaţi aji : « Tenan ! Dţu plaak ploŋ du Ŧiyoŋ. Plaak pa pdo bañaaŋ bahubta babot bajot. Kë banfiyaaruŋ plaak mënţ başë wo baankkowa nin. »

1 Korinŧ 1:6

Na manjoonan, namëban bnuura uko wi ŋţupanaŋ ţi Yeŧu Kriŧtu, bado kë uneej ţi an aţoo aliinŧ.

2 Korinŧ 6:7

Ŋji ŋdiiman kë ŋji ŋlempara ţi pţup manjoonan, kë mnhina mi nul manji manţënkun. Iŋaanan yi nun iyeŋanaan ŋleefun na igutni iwooŋ pdo kado uko unwooŋ uŧool ţi këş ki Naşibaţi.

Efeŧ 3:1

Uko waŋ ukaaŋ kë nji Pawulu kañehan Naşibaţi pa an. Uko wi ndoluŋ pa an nanwooŋ naanwo bayuday, wi nji kalempuŋ pa Yeŧu Kriŧtu, uţuuŋ kë nwo nakalabuş.

Efeŧ 3:13

Ukaaŋ kë nji kakooţan nawut kawut phaj pi bakhajanaanuŋ pa an padolan nawutandër. Phaj mënţ pakţijanaŋ mndëm.

Efeŧ 4:1

Nji, i ulemp wi naan pa Ajugun uţuuŋ kë nwo nakalabuş, dkooţan nado kayuuj ţi mnwo mi nan kë nawo jibi Naşibaţi andu'anaŋ aŋaluŋ nawo.

Efeŧ 4:17

Uko wi, wi wi nji nŋaluŋ kaţupan ţi katim ki Ajugun : naţañaan pdo kapoş ji bañaaŋ banwooŋ baamme Naşibaţi, banwooŋ na ŋşal ŋnaaf.

Filipiya 1:7

Unuura nwo na uşal uŧënţ waŋ pa an bŧi. Na manjoonan dţu'an ţi uhaaş wi naan, woli dwo ukalabuş këme awo ţi pgutar Uţup Ulil Unuura, an bŧi naji naţënkën ţi ulemp wi Naşibaţi awulnuŋ.

Filipiya 3:10

Uko wi nŋaluŋ uwo pme Kriŧtu. Pme'a pawooŋ pme mnhina mi pnaţa pi nul ţi pkeţ na phaj ji a kaşë kanaam na a ţi pkeţ pi nul.

Filipiya 4:13

Anjaaŋ awulën mnhina adoluŋ kë nhilan pmiir iko bŧi.

Koloŧ 1:11

Ŋñehan Naşibaţi aliinŧanan ţi iko bŧi yi nakdoluŋ na mnhina mi mndëm mi nul. Hënk nado kataman kabot kamiir ţi iko bŧi yi nakdoluŋ,

Koloŧ 1:24

Dwo ţi phaj ţi uleef naan ţi phaj pi Kriŧtu pa bnuura bi banfiyaaruŋ banwooŋ uleeful.

1 Teŧalonika 3:4

Wi ŋbiiŋ awo na an, ŋţupan kë ŋluŋ kado kahaj, kë mnhaj mënţ mambanuŋ nţa hënk, kë namee.

1 Timote 2:6

anwuluŋ uleeful bañaaŋ bŧi bahilna babuur. Uko mënţ wi wi Naşibaţi adiimanuŋ ţi wal wi adatuŋ.

2 Timote 1:10

mnñaga mënţën mampën awinana hënkuŋ ţi ubi wi Yeŧu Kriŧtu nabuuran nja. Ul awatuŋ pkeţ abot aţëpna ţi Uţup Ulil Unuura adiiman ubida wi mnţo.

2 Timote 1:12

Uko waŋ ukaaŋ kë nji kahaj hënk, aşë wo mënkkowa ţiki dme bnuura Yeŧu Kriŧtu i nfiyaaruŋ abot ame kë ahina kaţijan bnuura uko wi ahankanaanuŋ te unuur uweek wi akluŋ kabi.

2 Timote 1:16

Dñehan Ajugun añaga biki katoh ki Oneŧifor ţiki atëŋţënaan ŋyaaş ŋŧum abot awo aankowaa wi batuhnuŋ.

2 Timote 2:3

Hajan na nji ji nangoli nanuura i Yeŧu Kriŧtu.

2 Timote 2:8

Leşan Yeŧu Kriŧtu annaţiiŋ ţi pkeţ, ampënnuŋ ţi pntaali pi Dayiţ naşih ; Uţup Ulil Unuura mënţ wi wi nji kaţupuŋ bañaaŋ.

2 Timote 2:9

Wul ukaaŋ kë nji kahaj adoo tanana ji nado buţaan. Kë uţup wi Naşibaţi uşë wo uuntananaa.

2 Timote 4:17

Kë Ajugun aşë wo ţi kafeţ naan awulën mnhina mi pţup uţup wi nul bŧi, bañaaŋ banwooŋ baanwo bayuday bŧi bahilna baŧiink wa. Kë hënk di di abuuranaanuŋ ţi pkeţ.

2 Timote 4:5

Iwi kë işë wo i kaţoorandër ţi iko bŧi yi ikdoluŋ, jaan kmiir ţi wal wi mnhaj, tamaan ido kaţup Uţup Ulil Unuura, ido kado ulemp wi nu jibi uwooŋ kadolana bŧi.

1 Piyeer 1:5

Wi nafiyaaruluŋ, mnhina mi nul manyeŋan te unuur ubaañşaani, wi akluŋ kadiiiman kë abuuranan.

1 Yowan 4:14

Naşibaţi ayil Abukul kë awo nabuuran umundu. Ŋwin uko waŋ, aşë ţup wa bañaaŋ.

Yud 1:24

Nawulën ŋdëman Naşibaţi anwooŋ aloolan ţañ, anţëpnuŋ ţi Yeŧu Kriŧtu Ajugun abuuran nja. Ul ahiluŋ kayeŋan nawutna kajot ţi pekadu, kadolan nanaţ ţi kadunul ul anwooŋ na mndëm, nawo bañaaŋ bajinţ, nawo na mnlilan mnweek. Naşibaţi awo naweek, ajug mndëm, mnhina na pşih du unjon, nţa na faan te mnţo ! Uwo haŋ !

Uko wi ayuujuŋ Yowan 1:2

Yowan ayuuj bnuura kë uko bŧi wi aţupuŋ uwo uţup wi Naşibaţi na uko wi Yeŧu Kriŧtu adiimanuluŋ.

Uko wi ayuujuŋ Yowan 1:9

Nji Yowan ayiţan, nji nţokuŋ na an pşih, ahaj akuţ amiir ji an ţi pdo kaţaş Yeŧu, babi mobën añooţ du unjiw wi Patmoŧ ţiki djukan Uţup wi Naşibaţi, uko wi Yeŧu.

Uko wi ayuujuŋ Yowan 12:11

Kë biki ataparuŋ başë koba na pñaak pi anwooŋ unkaneel wi bţeŋan, na uţup wi Kriŧtu wi bakţupuŋ ; baaŋal ubida kadoo kado kaţi pkeţ.

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »