2 Piyeer 1:21 - Mankanya

²¹ Na manjoonan, nin uţup wi Naţupar Naşibaţi uumbaaŋ kapënna ţi uşal wi ñaaŋ najën, Uhaaş wi Naşibaţi ujaaŋ uţëpna ţi bañaaŋ bajën kaţiini ţi katim ki nul.

2 Piyeer 1:21 ပူးပေါင်းရင်းမြစ်များ

Markuŧ 12:36

Dayiţ ul, Uhaaş wi Naşibaţi udola kë aţup ţi uko wi Kriŧtu aji : Naşibaţi Ajugun aji na Ajugun : Ţoon ţi kañen naan kadeenu te ndoo ndo başooradu ido kapafna baka ihoţ.

Luk 1:70

Jibi abiiŋ aţup ţi mntum mi baţuparul bayimanaan bajon.

Ulemp 1:16

« An bayiţ naan uko wi Uhaaş wi Naşibaţi ubiiŋ aţëpna ţi mntum mi Dayiţ, aţup ţi Ulibra wi Naşibaţi ţi uko wi nawo Yudaŧ, ambiiŋ aţij bammobuŋ Yeŧu, uwo wo wi kabi kadolana. »

Ulemp 28:25

Wi bawooŋ biki pwayşër bahumaara baanŧiinkari. Kë Pawulu aşë ji na baka ţañ : « Ni ! Uhaaş wi Naşibaţi unţiini bnuura, wi uţëpnuŋ ţi mntum mi Iŧayi, Naţupar Naşibaţi.

Ulemp 3:18

Naşibaţi ul, adobi ţupa ţup undiimaan ţi mntum mi baţuparul bŧi aji Kriŧtu aluŋ kahaj kakeţ, kë waŋ wi adolaŋ.

Bahebërë 10:15

Uko mënţ wi wi Uhaaş wi Naşibaţi uyuujuŋ nja kë ujoonani wi ujakuŋ aji :

Bahebërë 3:7

Ukaaŋ kë, jibi Uhaaş wi Naşibaţi uţupuŋ : « Woli naŧiink nţa pdiim pi nul,

Bahebërë 9:8

Uhaaş wi Naşibaţi udiiman bnuura ţuŋ uko mënţ kë bgah bneejni du dko dyimanaan maakan baanji bahaabşa, woli dko dyimanaan danwooŋ ţi mboş dawohaara wo da.

1 Piyeer 1:11

Uhaaş wi Kriŧtu ubi wo ţi baka, udobi ţupa ţup mnhaj mi Kriŧtu akhajuŋ na mndëm mankmbiiŋ kawo mi nul aşë taman kame wal na hum di uko mënţ ukdolaniiŋ.

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »