2 Korinŧ 4:4 - Mankanya

⁴ Baanfiyaar uţup mënţ ţiki Ŧatana naşih i mboş aŧok baka uşal, bawutna kawin bjeehi bi Uţup Ulil Unuura banjaaŋ badiiman mndëm mi Kriŧtu anjaaŋ adiiman jibi Naşibaţi awooŋ.

2 Korinŧ 4:4 ပူးပေါင်းရင်းမြစ်များ

Kañaam 50:2

Du Ŧiyoŋ ubeeka unnuuriiŋ maakan di di Naşibaţi apënuŋ na mndëm mi nul awinana.

Maci 13:22

Anwooŋ dko di iyiw, ajaaŋ aŧiink Uţup, kë manţaaf, pyok panjaaŋ pafooyan bkow, na pñeebar iko iŧum ŋaşë fiiklën Uţup aneenan wa pbuk.

Yowan 1:14

Anwooŋ Uţup akak ñaaŋ najën abi afëţ na nja, kë ŋşë win mndëm mi nul, aŧum na bnuura abot aŧum manjoonan. Aşin awululuŋ mndëm mënţ ul anwohaŋ aloolan i abukuŋ ţañ.

Yowan 1:18

Nin ñaaŋ aambaaŋ kawina Naşibaţi. Abukul i akaaŋ anwooŋ Naşibaţi, ankabuŋ ţi Aşin, ameeţanuluŋ.

Yowan 12:31

Hënkuŋ wal wi Naşibaţi akyuujuŋ umundu wi kë uduknaanaa ubani, hënkuŋ bawalan Ŧatana, naşih i umundu wi afëla bdig.

Yowan 12:35

Kë Yeŧu aji na baka : « Bjeehi bahum nwo na an ŋwal ŋntiinku. Nadoon kapoş wi nahumuŋ nwo na bjeehi, kaţi bdëm babi bawunan : Ankpoşuŋ ţi bdëm aanji me dko di akyaaŋ.

Yowan 12:40

« Naşibaţi adëŧ baka këş adënëţan baka ŋhaaş këş ki baka kahilna kawo kaankwin, ŋhaaş ŋi baka ŋawut kayikrën. Hënk baankkak ţi nji njeban baka. »

Yowan 12:45

Kë ñaaŋ anwinnuŋ awin anyilnuŋ.

Yowan 14:30

Mënkak aţiini iko iŧum na an, ţiki naşih i umundu wi abi. Aanhilanaan nin uko uloŋ,

Yowan 15:24

Woli mëndo lah ţi pŧoof pi baka iko yi nin ñaaŋ awooŋ aambaaŋ kado, baankduknaana ; kë hënkuŋ başë win akuţ aşoorun nji na Paapa.

Yowan 16:11

aneem ţi uko wi pwayëş ţiki bawayëş Ŧatana naşih i umundu wi kaji aduknaanaa.

Yowan 8:12

Yeŧu akak aţiini na bañaaŋ aji na baka : « Nji, dwooŋ bjeehi bi umundu, ñaaŋ ankţaşnuŋ, aankdo kapoş ţi bdëm, aka bjeehi banjaaŋ bawul ubida. »

Ulemp 26:18

Iwoyi kahaabëş baka këş, kapënan baka ţi bdëm, kaţij moŋ bjeehi, kapënan baka ţi mnhina mi uweek wi ŋnŧaayi, kaţij du Naşibaţi. Hënk bahilna woli bafiyaarën, bapënan baka ipekadu bahil kawo ţi biki Naşibaţi adatuŋ aji bawo pntaali pi nul.”

Ulemp 26:23

Kriŧtu aluŋ kahaj kaşë kawo naŧeek anknaţiiŋ ţi pkeţ kaţup bayuday na banwooŋ baanwo bayuday, bjeehi bi mbuur. »

1 Korinŧ 10:20

Nin ! Dji uko wi baţeŋanuŋ, na manjoonan baţeŋan wa ŋnŧoŋ, mënţ Naşibaţi i i baţeŋanuŋ wa. Mënŋal nawo ţi ploolan na ŋnŧoŋ.

2 Korinŧ 2:11

Ddo haŋ Ŧatana awutna kaguur nja ; ŋme bnuura iko yi ajaaŋ aŋal pdo.

2 Korinŧ 2:12

Wi mbiiŋ du ubeeka wi Trowaŧ pţup Uţup Ulil Unuura wi Kriŧtu, dwin kë Ajugun aţenën kë nhinan pdo uko mënţ bnuura.

2 Korinŧ 3:11

Na manjoonan, woli uko unkmbaaŋ uwo na mndëm, hum di di unwooŋ uunkba uwooŋ uunkwo na mndëm mampelnuŋ ba ?

2 Korinŧ 3:14

Kë ŋhaaş ŋi biki Iŧrayel ŋaşë dënëţa dënëţ te hënkuŋ, woli baleyiir ţi kadun ki bañaaŋ ulibra wi bgah bi Moyiŧ, baanji bahil pwin mndëm ; pwo ţi Kriŧtu ţañ pakkaaŋ bawin ma.

2 Korinŧ 3:18

Nja bŧi, ŋnhiluŋ hënkuŋ pwin mndëm mi Ajugun, mndëm mënţ manji manwinana ţi nja ; uhaaş wi Ajugun uwo ţi pţëlëş nja kë ŋkak anaam na Ajugun, mndëm mi nja kë mankdëma dëm pya.

2 Korinŧ 4:6

Naşibaţi aţiini ţfa aji : bjeehi bajeehaan ţi bdëm. Ul akaaŋ ajeehan ŋhaaş ŋi nja, ŋhilna ŋme bjeehi bi mndëm mi nul banjaaŋ banuur ţi kaara di Yeŧu Kriŧtu.

Galaŧiya 1:4

Jibi Naşibaţi Aşin nja aŋaluŋ, Kriŧtu awul ubida wi nul kapënanaan ipekadu yi nja ŋhilna ŋbuur ţi umundu wi nţa wi, unŧumuŋ mnŋot.

Efeŧ 2:2

Nabi yuuj kë naţaş bgah bwuţaan bi umundu, aţaş Unŧaayi Uweek wi, unkţoŋuŋ hënkuŋ bañaaŋ bampokuŋ pŧiink Naşibaţi.

Efeŧ 6:12

mënţ bañaaŋ bajën biki ŋkgutanaanuŋ, ŋnŧaayi ŋanwooŋ du baţi ŋa, na mnşih na mnhina mi bajug umundu wi, unwooŋ wi bdëm.

Filipiya 2:6

Ul anwooŋ ji Naşibaţi aşë wo aanţo aten pliŋ pi aliŋuŋ na Naşibaţi

Koloŧ 1:15

Nin ñaaŋ aambaaŋ kawina Naşibaţi, ţi mnwo mi abukul mënţ mi mi ŋwinuluŋ. Ul awooŋ naŧeek, akşihuŋ iko bŧi impaşaniiŋ,

Koloŧ 1:27

Aŋal bañaaŋ biki ŋŧaak bŧi bame iko inuura na mndëm manwooŋ ţi uko umbiiŋ amena. Uko mënţ wii wi : Kriŧtu awo ţi an, ul adooŋ kë nahaţ kë nayeenk ţi mndëm mi Naşibaţi.

1 Timote 1:11

Pjukan mënţ pawoona ţi Uţup Ulil Unuura wi Naşibaţi andëmuŋ akuţ aŧum na bnuura aţu'ënuŋ pdo kaţup.

Tit 2:13

kayoonkna unuur wi mnlilan wi ŋhaţuŋ, wi Yeŧu Kriŧtu Naşibaţi naweek i nja, anjaaŋ abuuran nja akbiiŋ na mndëm mi nul.

Bahebërë 1:3

Abukul awooŋ bjeehi banjaaŋ badiiman mndëm mi nul, ul ajaaŋ adiiman uko wi awooŋ na manjoonan. Ul amëbanuŋ iko bŧi yi apaşuŋ na uţup wi nul unwooŋ na mnhina. Ajinţan bañaaŋ ţi ipekadu yi baka aşë ya aţo du kañen kadeenu ki Naşibaţi du baţi.

Bahebërë 6:4

Na manjoonan, bambiiŋ ayeenk bjeehi bi Naşibaţi, ayeenk uţen unwoonuŋ du baţi, ayeenk Uhaaş wi nul,

2 Piyeer 1:19

Hënk, uko mënţ uliinŧan bnuura pfiyaar pi nun ţi uko wi baţupar Naşibaţi bajakuŋ. Nawo kaţaş wa bnuura : uwo ji unkaniya unjaaŋ ujeehan ţi bdëm te wal wi unuur ujinţuŋ kë unfay, ujah unjaaŋ ujeehan na nfa upën awinana ţi ŋhaaşan.

1 Yowan 2:11

Kë ñaaŋ anşaaŋ aşoor ayiţul awo ţi bdëm ; aji poş ţi bdëm, aamme dko di akyaaŋ ţiki bdëm bawuna këş.

1 Yowan 2:8

Kë uko wi nji kapiiŧanaŋ uşë woha uhalu ha. Manjoonan mi uko mënţ manwinana ţi Kriŧtu abot awinana ţi an ; bdëm baya, kë bjeehi bi manjoonan bado bi kajeehan jeehan.

1 Yowan 5:19

Ŋme kë ŋwo biki Naşibaţi, kë umundu bŧi uşë wo ţi iñen yi Unŧaayi Uweek.