2 Korinŧ 3:7 - Mankanya

⁷ Nameen kë bgah mënţ bampiiŧaniiŋ ţi klaak, bajaaŋ baţij pkeţ aşë wul Moyiŧ mndëm kakşa, mul mambiiŋ anuur ţi kaara di nul ado kë biki Iŧrayel baambi hil ptena, mndëm mënţ kë manşë wo maanjoni.

2 Korinŧ 3:7 ပူးပေါင်းရင်းမြစ်များ

Ujuni 3:21

Naşibaţi Nawat Kabuka ado Adam na aharul imişa yi injan awoharan baka.

Ppën 24:12

Yawe Nawat Kabuka aji na Moyiŧ : « Payiin ibi ţi nji du pnkuŋ iţo da, nwulu klaak ki mpiiŧuŋ Bgah na iko yi nţu'anaŋ pdo, ijukan ya bañaaŋ biki Iŧrayel. »

Ppën 32:19

Wi Moyiŧ akñoguŋ dko di bafëţuŋ awin ubay wi baţakuŋ, kë bañaaŋ bawo ţi uki. Wal mënţ Moyiŧ adeebaţ maakan adoo fël klaak ki awoonaanuŋ ţi iñen kë kafoma aroca roca ţi pnkuŋ uţeeh.

Ppën 34:1

Yawe Nawat Kabuka aji na Moyiŧ : « Fejan klaak ktëb ji kŧeek, dpiiŧ ţi ka ŋţup ŋi mpiiŧuŋ ţi kŧeek ki ifomuŋ.

Ulemp 6:15

Bañaaŋ bŧi banwooŋ ţi uruha bajabana këş, aşë win kaara di nul kë dajeeh ji di uwanjuŧ.

Baromeŋ 10:4

Na manjoonan bgah bi Moyiŧ badolun hënkuŋ kë ŋban du Kriŧtu, banfiyaaruluŋ bŧi bawoona baŧool ţi kadun ki Naşibaţi.

Baromeŋ 4:15

Kë uşë wo uunwo haŋ, bgah baji bado Naşibaţi adeebaţër ñaaŋ jibi awooŋ aanţaş ba, kë bgah başale wo baanwoo, pjuban paankak aji pawo.

Baromeŋ 5:20

Bgah babii, hënk kë pekadu daşë ŧuma ŧum, kë dko di pekadu daŧumuŋ, bnuura babi aŧum apel.

Baromeŋ 7:10

kë nşë keţ. Hënk, bgah banwooŋ i kawulën ubida babaa ţëp ţëp aţijën pkeţ.

Baromeŋ 7:22

Ddinan na uhaaş wi naan bŧi ţi uko wi bgah bi Naşibaţi bajakuŋ,

Baromeŋ 7:5

Wi ŋbiiŋ aţaş iko yi ŋleef ŋi nja ŋaŋaluŋ ţañ, pekadu daji daţëpna ţi bgah kado nja ŋŋal pdo iko iwuţaan iŧum injaaŋ iţij pkeţ.

1 Korinŧ 13:10

kë wal wi iko ikkëşuŋ kakuţ kanuura bŧi ukluŋ kabi, uko unwooŋ uunkëş bŧi uba.

2 Korinŧ 3:3

Bañaaŋ bame bnuura kë nawo kakaarta ki Kriŧtu apiiŧuŋ ahankanun. Kakaarta mënţ kaampiiŧana na kañen ki ñaaŋ najën kapiiŧana na Uhaaş wi Naşibaţi anwooŋ ukumpëş wi ubida, uko unwooŋ ţi ka uumpiiŧana ţi mnlaak, upiiŧana ţi ŋhaaş ŋi nan ŋanwooŋ ŋi bañaaŋ bajën.

2 Korinŧ 3:6

Ul awuluŋ un mnhina mi pwo banklempuŋ ţi uko wi bhoŋar bhalu, banwooŋ baanwo bi bgah bampiiŧaniiŋ ţi mnlaak aşë wo bi Uhaaş wi Naşibaţi. Bgah bampiiŧaniiŋ baji baţij pkeţ, kë Uhaaş wi Naşibaţi uşë ji uţij ubida.

2 Korinŧ 3:8

Kë ulemp wi Uhaaş wi Naşibaţi uşë luŋ kawul mndëm mampelnuŋ.

Galaŧiya 3:10

Bañaaŋ bŧi banşaaŋ ahaţ bgah bi Moyiŧ bafëpana. Ulibra wi Naşibaţi uji : « Ñaaŋ anwooŋ aankţaş ŋnuur bŧi uko bŧi umpiiŧuŋ ţi ulibra wi bgah bi Moyiŧ afëpana. »

Galaŧiya 3:21

Kë bgah, balaţ kahoŋ ki Naşibaţi i ? Nin ! Woli ŋyeenk lah bgah banhiluŋ pwul un ubida wi manjoonan, pwo naŧool ţi këş ki Naşibaţi pawoona keeri ţi pţaş bgah.

Bahebërë 12:18

Na manjoonan, naanñog pnkuŋ pi Ŧinayi : naaññog dko di bdoo banktëruŋ, di uŧejan na bdëm, di ukëk,

Bahebërë 3:3

Anniwuŋ katoh adëm apel katoh, kë hënk di Yeŧu aŧaaŋuŋ na pyeenk mndëm mampeluŋ mi Moyiŧ.

Bahebërë 9:4

Wuŋ mënţan uwo na bliit bi mngur bi uwuuru, banjaaŋ batërna mnkulan, na umaala unwooŋ bŧi wi uwuuru wi baţuuŋ pţukar pi uwuuru panhaknuŋ pde pi Yawe Nawat Kabuka awuluŋ babuk Iŧrayel du pndiiş, pde mënţ baji badu pa Mana. Pmul pi Aaron pandukiiŋ aţeeñ hënkuŋ pawo da kak, na klaak kanfejuŋ apiiŧna Bgah bi Moyiŧ.