2 Korinŧ 13:5 - Mankanya

⁵ Natenan ŋleefan nameena me nafiyaar Kriŧtu, naşalaan bnuura iko yi nakdoluŋ. Naanyikrën kë Yeŧu Kriŧtu awo ţi an i ? Këme nawin kë naanfiyaari ?

2 Korinŧ 13:5 ပူးပေါင်းရင်းမြစ်များ

Kañaam 26:2

Iwi Nawat Kabuka şalanaan, ţu'aan ţi unoor işë ido katenën ; şalaan bnuura uşal na uhaaş wi naan.

Yowan 14:23

Kë Yeŧu aŧeema aji : « Woli ñaaŋ aŋalën, amëban ŋţup ŋi naan, Paapa akak kaŋala, ŋşë bi du a, kakuţ kaţo du a.

Yowan 15:4

Namëbanaan jibi mmëbananaŋ. Jibi kanah kajaaŋ kawo kaanji kahil pbuk woli kaanwo ţi bko, hënk di di nawooŋ kak naanhilan kawul mbuk woli naammëbanaan.

Yowan 17:23

Nji dmëbandër na baka, kë iwi imëbandër na nji. Hënk bahil kawo ji ñaaŋ aloolan na manjoonan, umundu ubot ume kë iyilnuŋ abot aŋal baka jibi iŋalnuŋ.

Yowan 17:26

Ddo baka kë bame'u abot aluŋ kado bame'u kak, bahilna bado kaŋal jibi iŋalnuŋ, nji ţi uleef naan mbot nwo ţi baka. »

Yowan 6:56

Ñaaŋ ankdeeŋ uleef naan kakuţ kadaan pñaak pi naan amëbandër na nji mbot nwo na a.

Yowan 6:6

Aţup haŋ katenna Filip, ţiki ul ţi uleeful ame uko wi akdoluŋ.

Baromeŋ 1:28

Başal aji baanwo i kame Naşibaţi, ukaaŋ kë awut baka ţi ŋşal ŋi baka ŋdah, kë hënk, bakdo iko yi bawooŋ baanwo i kado.

Baromeŋ 8:10

Kë Kriŧtu aşë wo ţi an. Hënk, wi ŋleefan ŋadooŋ awo ŋi pkeţ ţiki najubani, Uhaaş wi Naşibaţi uwulan ubida ţiki nawo baŧool ţi këş ki Naşibaţi.

1 Korinŧ 11:28

Ñaaŋ andoli awo katen tenan uleeful keeri kabaa kade kapoom kakuţ kadaan poot.

1 Korinŧ 11:31

Woli ŋten lah ŋleef ŋi nja, Naşibaţi aankkob nja.

1 Korinŧ 3:16

Naamme kë nawo katoh ki Naşibaţi i, kë Uhaaş wi nul uwo ţi an meeţ i ?

1 Korinŧ 6:15

Naamme kë uleef wi nan uwo kafah kaloŋ ki uleef wi Kriŧtu i ? Djej keeri uleef wi Kriŧtu kado uleef wi naţuunk i ?

1 Korinŧ 6:19

Naamme me kë uleef wi nan uwooŋ dko dyimanaan di Uhaaş wi Naşibaţi ufëţuŋ i ? Uwo ţi an, Naşibaţi awulanaŋ wa. Mënţ an keeri nakaaŋ uleefan.

1 Korinŧ 6:2

Naamme kë bañaaŋ biki Naşibaţi bakluŋ kawayëş umundu i ? Kë woli nawooŋ i kawayëş umundu, nabiişna pwayëş iko impoţi i ?

1 Korinŧ 9:24

Naamme kë ţi pţi, baŧum baji baţi, aloolan kaşë jot bandukiiŋ kadun kayeenk katuum i ? Naţiin keeri nahilna nayeenk katuum.

1 Korinŧ 9:27

Dji kamiir iko iŧum, kaţijan uleef, kaţi pţup bañaaŋ Uţup Ulil Unuura kaşë kawo mënkyeenk katuum ki uhoŋuŋ.

2 Korinŧ 6:16

Hum di di Katoh ki Naşibaţi kahiluŋ kawo na ŋnŧoŋ ? Na manjoonan nja ŋwo dko dyimanaan di Uhaaş wi Naşibaţi anwooŋ najeb ufëţuŋ. Hënk di di Naşibaţi aţiiniiŋ ţi Ulibra wi nul aji : « Dluŋ kafëţ ţi pŧoof pi baka kapoş na baka ; dwo Naşibaţi i baka, başë bawo pntaali pi naan. »

Galaŧiya 2:20

kë hënkuŋ mënţ nji dwooŋ, Kriŧtu awooŋ ţi nji. Mnwo mi naan ji ñaaŋ najën manwo ţi pfiyaar Abuk Naşibaţi anŋalnuŋ adoo wul uleeful pa nji.

Galaŧiya 4:19

An biki nŋaluŋ maakan, dhaj pa an uyaaş uloŋ kak, ji ñaaţ anwooŋ ţi kabuk, te wal wi Kriŧtu akjijuŋ ţi an.

Galaŧiya 6:4

Andoli adoon kaşalan udo wi nul, woli aţënk ţi wa uko wi mnlilan, alilaan pa bkowul ţañ, aşë wut kado katenar na baŧënţul,

Efeŧ 3:17

Kriŧtu ahilna awo ţi ŋhaaş ŋi nan ţiki nafiyaara. Dkak añehan, wi najabuŋ awo na intaañ abot aliinŧ ţi uŋal,

Koloŧ 1:23

Kë naşë awo i kamëban bnuura kaliinŧ ţi pfiyaar kawut kapën ţi phaţ pi Uţup Ulil Unuura wi naŧiinkuŋ. Uţup mënţ baţup wa bañaaŋ bŧi ţi mboş, wul wi nji Pawulu kalemparuŋ wi nji kaţupuŋ wa.

Koloŧ 1:27

Aŋal bañaaŋ biki ŋŧaak bŧi bame iko inuura na mndëm manwooŋ ţi uko umbiiŋ amena. Uko mënţ wii wi : Kriŧtu awo ţi an, ul adooŋ kë nahaţ kë nayeenk ţi mndëm mi Naşibaţi.

Koloŧ 2:19

Baanji bamëban ţi Kriŧtu anwooŋ bkow. Ul ankaaŋ kë uleef bŧi uji uka uko bŧi wi unumiiŋ, kamëbandër bnuura ţi dko di imoh ijaaŋ iyitiiraan, kabot kadëm jibi Naşibaţi aŋaluŋ.

Koloŧ 2:7

Najab awo na intaañ ţi a, kë ajejan aniwna katohul, abot adolan kë nakliinŧ ţi pfiyaar jibi bajukananaŋ, mnwo mi nan mandoon kayuuj keeri kë Kriŧtu awo na an ţi ubeeb wi najaaŋ nabeeb maakan Naşibaţi ŋnuur bŧi.

1 Timote 2:15

Kë kabuk kaşë luŋ kadola abuur. Baaţ babuur woli bataman afiyaar Kriŧtu, aŋal bañaaŋ abot awo bañaaŋ banwooŋ bajinţ piş ţi kadun ki Naşibaţi. Bawo kak kawut pdo kala pwinana.

2 Timote 3:8

Jibi Yaneŧ na Yambreŧ babiiŋ alaţ ţfa Moyiŧ, hënk di di bañaaŋ mënţ bakluŋ kalaţ manjoonan. Bawo bañaaŋ biki ŋşal ŋaţopuŋ, bawo bañaaŋ banwooŋ baanhil kafiyaar Yeŧu Kriŧtu.

Tit 1:13

Uko wi aţupuŋ ujoonani, ukaaŋ kë iwo kaŋoman na baka bnuura bahilna baliinŧ ţi pfiyaar,

Tit 1:16

Baji baji bameeŋ Naşibaţi kaşë diiman ţi mnwo mi baka kë bapoka : bawo bañaaŋ banjaaŋ bado iko inţopuŋ maakan, banwooŋ baanji bate, banwooŋ baanhil pdo nin uko uloŋ unuura.

Tit 2:2

Ţiiniin na baţaf iji na baka bawo kaţijan ŋleef ŋi baka, kawo bañaaŋ banŧiinkaniiŋ, bankaaŋ ŋşal, bawo kamëban kaliinŧ ţi pfiyaar Yeŧu, ţi pŋal bañaaŋ na ţi kamiir.

Bahebërë 12:15

Naţaafaraan aloŋ ţi an adek kafeţ bnuura bi Naşibaţi ; naţaafaraan aloŋ awo ji bko bwuţaan banjaaŋ badëm kaşë kabuk mnko mnŧum manwuţuŋ. Ñaaŋ mënţ ahil kaneeman baŧum maakan.

Bahebërë 4:1

Kahoŋ mënţ ki Naşibaţi abiiŋ ahoŋ aji bahil kaluŋ kaneej du dko di abomanuŋ baka aji banoorfënaan kahuma da pa nja. Nawulën ŋdo kaţi keeri aloŋ ţi an aduka kafeţ.

Bahebërë 6:8

Kë manşale buk iyiw na umbiilu, manji manwaaŋ udooni, kakak i pbi kafëpana, manji mambi baañşaan ţi ptër.

Yakob 4:4

An pntaali pandekuŋ Naşibaţi kafeţ ji ñaaţ andaaruŋ ayinul, naamme kë pŋal umundu pawo ppok Naşibaţi i ? Anŋaluŋ pwo nanoh i umundu aji wo naşoor Naşibaţi.

1 Piyeer 5:9

Napokan wa, namëban ţi pfiyaar pi nafiyaaruŋ ; name kë bayiţan ţi Kriŧtu banwooŋ ţi umundu bŧi bahaj ji an.

Uko wi ayuujuŋ Yowan 2:5

Naleşan jibi nabiiŋ awo ţfa, natenan jibi nakaki kafeţ, naţëlşan ŋhaaşan nabot nado kado jibi najaaŋ nado ţfa. Woli naando haŋ, kabi du an kapënan pfiiţi pi nan ţi dko di pawooŋ.