2 Korinŧ 11:2 - Mankanya

² Dkujan bkujar banwoonuŋ du Naşibaţi : djokaran ñiinţ aloolan pa bniim, kadolna an nanaţ ţi kadun ki Kriŧtu ji ñaaţ najinţ anwooŋ aando bi me ñiinţ.

2 Korinŧ 11:2 ပူးပေါင်းရင်းမြစ်များ

Yowan 3:29

Naniim akaaŋ naniima, kë nanoh naniim anwooŋ da aji lilan woli aŧiink pdiim pi naniim. Mnlilan mi, manwooŋ mi ŧaan mandëm maakan keeri.

Baromeŋ 7:4

An bayiţ naan, hënk di uwooŋ pa an kak. Nawo hënkuŋ biki Kriŧtu, pkeţ pi nul pabuuranan ţi mnhina mi bgah. Nawo bajeeh hënkuŋ ahinan kawo biki Kriŧtu, annaţiiŋ ţi pkeţ, kahilna kalil Naşibaţi.

1 Korinŧ 4:15

Woli nado ka bañaaŋ iñeen week ŋyaaş iñeen week (10 000) bankjukananaŋ bgah bi Kriŧtu nakaha aşinan aloolan : nakak babuk naan ţi Yeŧu Kriŧtu wi nţupanaŋ Uţup Ulil Unuura.

2 Korinŧ 4:14

Ŋme kë Naşibaţi annaţanuŋ Yeŧu Ajugun ţi pkeţ aluŋ kanaţanun na a, kadolun ŋwinana na an ţi kadunul.

Galaŧiya 4:11

Dhaajalaa : ulemp wi nji nlempuŋ lemp pa an udiiş diiş i ?

Filipiya 1:8

Aa, Naşibaţi ame kë dmëbanan an bŧi ţi uhaaş wi naan abot aŋalan jibi Yeŧu Kriŧtu aŋalanaŋ.

Koloŧ 1:28

Kë hënk di di ŋjaaŋ ŋmeeţan Kriŧtu, kaţup bañaaŋ bŧi balipara, kabot kajukan baka na uşal unŧuŋa bŧi, bahilna bawo ţi Kriŧtu bukal bŧi bañaaŋ banjijuŋ ţi pfiyaar.

1 Teŧalonika 2:11

Name bnuura kë ŋwo na an bŧi jibi aşin napoţ ajaaŋ awo na abukul ;

Uko wi ayuujuŋ Yowan 14:4

Baanţopan ŋleef ŋi baka na baaţ, baambaaŋ kabanaara ñaaţ. Baji baţaş anwooŋ unkaneel dko bŧi di akyaaŋ. Babuuran baka ţi bañaaŋ bahilna bawo baŧeek biki Naşibaţi na biki anwooŋ unkaneel.