2 Korinŧ 10:7 - Mankanya

⁷ Nahaabëşan këş naten iko bnuura ! Woli ñaaŋ afiyaar na manjoonan kë awo i Kriŧtu, ameen kë un kak ŋwo biki Kriŧtu ji ul.

2 Korinŧ 10:7 ပူးပေါင်းရင်းမြစ်များ

Maci 23:5

Ţi iko bŧi yi bakdoluŋ baji bala pwinana ţi bañaaŋ ukaaŋ kë kako ki bajaaŋ baţu Uţup wi Naşibaţi katan ţi bkow na iñen yi baka kaji kadëm. Iñen yi imişa yi baka ikak aji ihaan maakan.

Luk 16:15

Kë aşë ji na baka : « An nawo bañaaŋ banjaaŋ badaar kawo baŧool ţi kadun ki bañaaŋ kë Naşibaţi aşë me ŋşal ŋi nan. Uko wi bañaaŋ badëmanuŋ uji uwo unwuţuŋ maakan ţi kadun ki Naşibaţi.

Yowan 7:24

Nawutan kado kawayëş jibi nawinaruŋ uko, nadoon kawayëş na manjoonan. »

1 Korinŧ 1:12

Dŋal kaji baloŋ ţi an baji baji : « Nji dwo na Pawulu », aloŋ kaji « Nji dwo na Apoloŧ », aloŋ kaji « Nji dwo na Kefaŧ ». Aloŋ kak kaji « Nji dwo na Kriŧtu. »

1 Korinŧ 14:37

Woli ñaaŋ aşal aji awo Naţupar Naşibaţi këme ñaaŋ anwooŋ na Uhaaş wi Naşibaţi, awo kayikrën kë uko wi mpiiŧanaŋ uwo uko wi Ajugun aţuuŋ pdo kado.

1 Korinŧ 15:23

Ţi uko wi pnaţa ţi pkeţ, Naşibaţi ado bi ţup ţup jibi uko mënţ ukţëpuŋ : Kriŧtu awooŋ naŧeek annaţiiŋ ţi pkeţ, woli aluŋ abi, bañaaŋ biki nul babaa naţa ţi pa.

1 Korinŧ 3:23

Te an Kriŧtu aka'anaŋ, kë Kriŧtu ul, Naşibaţi aka'uluŋ.

1 Korinŧ 9:1

Jëm badinanaan pdo iko bŧi i ? Mënwo nanjañan i ? Mënwin Yeŧu Ajugun i ? Mënţ nji dţijanaŋ ţi bgah bi Ajugun i ?

2 Korinŧ 10:1

Nji Pawulu i bajakuŋ aji dji kawo nabooy woli dwo ţi kadunan kaşë kaţiini na mntëŋ woli dlowan apiiŧan, dkooţan ţi katim ki Kriŧtu anjoobuŋ bkow abot awo bnuura : nawutan kadolën ndo mŋoonk na mntëŋ wal wi nji kaluŋ kakak du an jibi nşaluŋ pdo ba na bañaaŋ baloŋ banşaluŋ aji ŋji ŋţaş iko yi ŋleef ŋi nja ŋaŋaluŋ, ijaaŋ iţoŋun.

2 Korinŧ 11:18

Wi baŧum bakhompuŋ ji bañaaŋ bajën, nji kak ddo kahomp.

2 Korinŧ 11:23

Jëm bawo balempar Kriŧtu i ? Dţup ji nayila, nji dwo nalempar Kriŧtu apel baka : ţi ulemp utam, ţi pya ukalabuş, ţi kakob, ţi pwo ţi mntum mi pkeţ ŋyaaş ŋŧum.

2 Korinŧ 11:4

Na manjoonan woli aloŋ abi aţupan uko wi Yeŧu aloŋ ampaţuŋ na i ŋţupanaŋ, naji nadi wa. Woli aloŋ aţiiniyaan uhaaş uloŋ umpaţi na wi nayeenkuŋ naji nadi uko mënţ. Woli aloŋ abi aţup Uţup Ulil Unuura umpaţi na wi ŋţupanaŋ, naji nabi dinan dinan.

2 Korinŧ 12:11

Dţiini ji ñaaŋ awooŋ nayila, kë an nakaaŋ. An nadooŋ awo lah kaţup ñaaŋ i nwooŋ ţiki mëmpoţëţ nin apel biki najakuŋ aji bawo banjañan baweek, te mëndo wo wo nin uko uloŋ.

2 Korinŧ 13:3

Naŋal kame me Kriŧtu aji ţëpna ţi mntum naan kaţiini i ? Name. Aambiişna ţi kadunan, aşë ji diiman mnhina mi nul ţi pŧoof pi nan.

2 Korinŧ 5:12

Ŋënkak aŋal kado nayikrënun, ŋŋal kaţenan uko wi naknahni ţi un, nahilna naka uko uŧeem banwooŋ baanknahna uko unwooŋ ţi ŋhaaş ŋi bañaaŋ aşë nahna iko inkwinaniiŋ du bdig.

Galaŧiya 3:29

Kë woli nawo i Kriŧtu nawo keeri biki pşini pi Abraham, abot awo ţi bankyeenkuŋ uko wi Naşibaţi ahoŋuŋ Abraham.

1 Yowan 4:6

Nja, kë ŋşë wo biki Naşibaţi ; ammeeŋ Naşibaţi aji ŧiink nja ; kë anwooŋ aanwo i Naşibaţi aanji ŧiink nja. Kë hënk di di ŋjaaŋ ŋmeena Uhaaş wi Manjoonan na uhaaş wi kaguuru.