1 Yowan 5:3 - Mankanya

³ Hënk di uwooŋ, pŋal Naşibaţi pawo pdo uko wi ajakuŋ ŋdo kado. Kë uko wi ajakuŋ ŋdo kado ubot awo uuntam pdo.

1 Yowan 5:3 ပူးပေါင်းရင်းမြစ်များ

Ppën 20:6

Kë banŋalnuŋ abot amëban uko wi nţuuŋ baka pdo, baji baţu nwul bañaaŋ baŧum maakan bampënnuŋ ţi baka bnuura.

Maci 23:4

Baji batan idaaj idiţ kaţu bañaaŋ pkuŋa ya, bukal ţi ŋleef ŋi baka başë pok pdeeŋ pkoñ ploolan ţañ pţënk baka.

Yowan 14:15

Yeŧu akak aji : « Woli naŋalën, naluŋ kamëban iko yi njakanaŋ nado kado.

Yowan 15:10

Woli nado iko yi njakanaŋ nado, nawo ţi uŋal wi naan, jibi nji ndoluŋ iko yi Paapa ajaknuŋ awo ţi uŋal wi nul.

Yowan 15:14

Nawo banoh naan woli nado uko wi njakanaŋ nado.

Baromeŋ 7:12

Kë hënk di bgah bayimanuŋ, iko bŧi yi bgah bajakuŋ kë iwo iŧool akuţ anuura.

Baromeŋ 7:22

Ddinan na uhaaş wi naan bŧi ţi uko wi bgah bi Naşibaţi bajakuŋ,

Bahebërë 8:10

Nji Ajugan dkak aţiini aji : woli ŋnuur mënţ ŋaţëpi bhoŋar bi nji kaluŋ kado na pntaali pi Iŧrayel bii bi : dluŋ kapiiŧ bgah bi naan ţi uşal wi baka dluŋ kapiiŧ ba ţi ŋhaaş ŋi baka, dluŋ kawo Naşibaţi i baka, kë bakluŋ kawo pntaali pi naan.

1 Yowan 2:3

Uko unjaaŋ uyuuj kë ŋme Kriŧtu uwo pdo kaţaş uko wi ajakuŋ ŋdo.

2 Yowan 1:6

Pŋal pawo pdo uko wi Naşibaţi ajakuŋ. Kë uko wi Naşibaţi ajakuŋ ŋdo wi najukuŋ du ujuni, uwo nawo ţi bŋalad.