1 Yowan 4:12 - Mankanya

¹² Nin ñaaŋ aambaaŋ kawin Naşibaţi. Kë woli ŋŋaladi, Naşibaţi aji wo ţi nja, uŋalul ubot kawinana bnuura ţi nja.

1 Yowan 4:12 ပူးပေါင်းရင်းမြစ်များ

Ujuni 32:30

Yakob aji na a : « Dkooţu kooţ ţupaan katimu. » Kë aŧeem aji : « We ukaaŋ kë ikheparaan katim naan ? » Aşë ñehandëra bnuura ţi dko mënţan duŋ.

Ppën 33:20

Akak aji : « Iinkwin kaara di naan, ţiki ñaaŋ aanhil kawinën kawo najeb.

Yowan 1:18

Nin ñaaŋ aambaaŋ kawina Naşibaţi. Abukul i akaaŋ anwooŋ Naşibaţi, ankabuŋ ţi Aşin, ameeţanuluŋ.

1 Korinŧ 13:13

Kë iko iwajanţ işaaŋ awo nin iinkba : pfiyaar, mnhaţ na uŋal ; kë uŋal uşaaŋ apel yuŋ mënţan bŧi.

1 Timote 1:17

Iwi inwooŋ Naşih te mnţo, iwi inwooŋ iinkba, iwi i nin ñaaŋ aloŋ awooŋ aanhil pwin, iwi inwooŋ aloolan ţañ, pdëm na mndëm manwo ţi iwi te mnţo. Uwo haŋ.

1 Timote 6:16

Ul ţañ awooŋ aankkeţ, afëţ du bjeehi bi nin ñaaŋ awooŋ aanhil pban, ul i i nin ñaaŋ awooŋ aambaaŋ kawina këme kahil pwin. Ul awooŋ na mndëm na mnhina te mnţo ! Uwo haŋ !

Bahebërë 11:27

Pfiyaar pakaaŋ kë apën du Ejiptu, awo aanţo aten udeeb wi naşih, amëban aliinŧ ji ñaaŋ anwinuŋ Naşibaţi anwooŋ aanhil kawinana.

1 Yowan 2:5

Kë anşaaŋ amëban uko wi ajakuŋ, uŋal wi Naşibaţi uji uwo ţi a kaŧum. Hënk di di ŋjaaŋ ŋmeena kë ŋmëbandër na Kriŧtu.

1 Yowan 3:24

Kë ñaaŋ ankdoluŋ uko wi Naşibaţi ajakuŋ ado, aji mëbana, Naşibaţi kamëbana. Uhaaş wi nul wi awuluŋ nja ujaaŋ uyuuj kë amëban nja.

1 Yowan 4:16

Kë nja, ŋme abot afiyaar kë Naşibaţi aŋal nja. Naşibaţi awo uŋal. Kë woli ŋŋal baŧënţ nja, ŋji ŋmëban Naşibaţi, Naşibaţi abot kamëban nja.

1 Yowan 4:20

Woli ñaaŋ aji aŋal Naşibaţi, aşë şoor ayiţul ţi Kriŧtu, awo naţilan, ţiki woli ñaaŋ aaŋŋal aŧënţul i akwinuŋ, aanhilan kaŋal Naşibaţi i awooŋ aanwini.

1 Yowan 4:6

Nja, kë ŋşë wo biki Naşibaţi ; ammeeŋ Naşibaţi aji ŧiink nja ; kë anwooŋ aanwo i Naşibaţi aanji ŧiink nja. Kë hënk di di ŋjaaŋ ŋmeena Uhaaş wi Manjoonan na uhaaş wi kaguuru.