1 Yowan 1:9 - Mankanya

⁹ Aşë woli ŋdinan aji ŋwo na pekadu, ŋhinan kahaţ Naşibaţi, awo naŧool : aluŋ kamiir nja ipekadu, kabot kajinţan nja ţi buţaan bŧi.

1 Yowan 1:9 ပူးပေါင်းရင်းမြစ်များ

Kañaam 32:5

Dţupu pekadu di naan, mëmmenu pjuban pi naan. Dji ţi uşal : « Dya kaţup Nawat Kabuka pjuban pi naan », kë iwi işë miirën pjuban pi naan, ipënan ipekadu yi naan. Pnaţ ntiinku

Ppën 34:7

Dji kawul bnuura bi naan, te iwuuŋ iñeen week ŋyaaş iñeen, kabot kamiir bado buţaan, bampataţiiŋ na banjubanuŋ kaşë wo mënji kafaŋan anduknaaniiŋ kabot kakob bañaaŋ banjubanuŋ, babuk baka te bamumiin baka. »

Maci 3:6

Baji babi kaţup ipekadu yi baka kaşë do babatŧaar baka ţi bdëk bi Yordan.

Markuŧ 1:5

Bañaaŋ bŧi biki ubeeka wi Yeruŧalem na uŧaak wi Yuda bŧi baya du a, aţup ipekadu yi baka, ado kë babatŧaar baka ţi bdëk bi Yordan.

Luk 22:57

Kë Ŧimoŋ Piyeer aşë laţa aji : « Ñaaţu, mëmme'a »

Yowan 17:25

Paap, iwi inwooŋ naŧool, umundu uumme'u, kë nji nşë me'u kë biki babot ayikrën kë iyilnuŋ.

Ulemp 19:18

Bañaaŋ baŧum bafiyaar, abi apeeţ buţaan bi badoluŋ ţi kadun ki bañaaŋ.

1 Korinŧ 1:9

Naşibaţi aji do uko bŧi wi ahoŋuŋ, ul andatanaŋ nawo ţi ploolan na Abukul Yeŧu Kriŧtu Ajugun.

1 Korinŧ 6:11

Kë hënk di baloŋ ţi an babiiŋ awo. Kë Naşibaţi i nja aşë ţëpna ţi Yeŧu Kriŧtu Ajugun na Uhaaş wi nul añow ipekadu yi nan, kë nakak ayiman, adolan kë nawo baŧool ţi këş ki nul.

Efeŧ 5:26

Ado haŋ bahilna baţëpna ţi uţup bawo biki Naşibaţi, wi añowuŋ baka na meel,

1 Timote 1:15

Bañaaŋ bŧi bawo kate uţup wi, ţiki ujoonani : Yeŧu Kriŧtu abi ţi umundu pa pbuuran bado ipekadu, kë nji dwooŋ naŧeek ţi baka.

Tit 2:14

Awuluŋ uleeful kahilna kapënan nja ţi buţaan bŧi bi ŋjaaŋ ŋdo, kajinţan nja kado nja ŋwo bañaaŋ biki nul, banjaaŋ baŋal pdo iko inuura.

Bahebërë 10:23

Nawulën ŋmëban ŋliinŧ ţi uko wi ŋhaţuŋ akuţ aţup. Na manjoonan, ŋme kë Naşibaţi aji do uko wi ahoŋuŋ.

Bahebërë 11:11

Pfiyaar pakaaŋ kë Abraham ahil abuk wi adooŋ aţaf maakan kë Ŧaara aharul akak aţañan kañowa, afiyaar na manjoonan kë Naşibaţi ado uko wi ahoŋuŋ.

Bahebërë 6:10

Naşibaţi awo naŧool, aankţilma ulemp wi nan na uŋal wi naŋaluluŋ, adiiman wa, wi nabiiŋ aţënk bañaaŋ biki nul abot aţënkaara ţënk baka te nţa.

1 Yowan 1:7

Aşë wo woli ŋpoş ţi bjeehi jibi Naşibaţi ţi uleeful awooŋ ţi bjeehi, ŋkeer awo baloolan nja bŧi, kë pñaak pi Yeŧu Abukul pajinţan nja ţi pekadu bŧi.

Uko wi ayuujuŋ Yowan 15:3

aşë yeeh kayeeh ki bi Moyiŧ nalempar Naşibaţi na anwooŋ unkaneel wi bţeŋan, aji : « Iwi Ajugun Naşibaţi Anhiniiŋ iko bŧi ; udo wi nu udëmi abot awo uñoŋarënaan, iwi naşih i ŋŧaak. Bgah bi nu bawo bŧool abot awo bi manjoonan