1 Yowan 1:3 - Mankanya

³ Uko wi ŋwinuŋ akuţ aŧiink, ŋţupan wa an kak, nahilna nabi namëbandër na un, ŋnaakiir nja bŧi ţi pmëbandër pi ŋmëbandëruŋ na Naşibaţi Aşin nja na Yeŧu Kriŧtu Abukul.

1 Yowan 1:3 ပူးပေါင်းရင်းမြစ်များ

Kañaam 2:7

Nawutaan hënkuŋ, nţup uko wi Nawat Kabuka ajakuŋ : aji na nji « Iwi, iwooŋ abuk naan ; nţa di, dţup aji dwo şaaş !

Kañaam 22:22

Buuranaan mntum mi uliihu, buuranaan itiim yi uwit ukaş. Aa, iŧeemën !

Yowan 17:11

Hënkuŋ dbi du iwi, mënkak awo ţi umundu, kë bukal başë woha wo ţi umundu. Paap iwi inyimanuŋ, mëbaan baka na mnhina mi katimu ki iwulnuŋ bahilna bakak ñaaŋ aloolan jibi nji na iwi ŋwooŋ.

Yowan 17:21

Hënk bukal bŧi bahil kawo ji ñaaŋ aloolan. Jibi iwi Paapa iwooŋ ţi nji kë mbot awo ţi iwi, bukal kak bamëbandëran na nja, umundu uhilna ufiyaar kë iyilnuŋ.

Yowan 17:25

Paap, iwi inwooŋ naŧool, umundu uumme'u, kë nji nşë me'u kë biki babot ayikrën kë iyilnuŋ.

Yowan 17:3

Pka ubida wi mnţo, pawo pme'u iwi inwooŋ Naşibaţi na manjoonan, abot awo aloolan ţañ, na pme'ën nji Yeŧu Kriŧtu i iyiluŋ.

Yowan 19:35

Ñaaŋ ankţupanaŋ uko wi awo namaar, kë uko wi akţupuŋ ubot awo manjoonan. Ame kë uko wi akţupuŋ ujoonani, aţup iko yaŋ an kak nahilna nafiyaar.

Ulemp 13:32

Kë un ŋşë bi bi pţijan Uţup Ulil Unuura : uko wi Naşibaţi abiiŋ ahoŋ başinun ţfa ado wa hënkuŋ pa nja, ŋnwooŋ babuk baka, wi anaţanuŋ Yeŧu ţi pkeţ. Hënk di di bapiiŧuŋ ţi ulibra wi pñaamarën, aţup ţi kañaam katëbanţën aji : “Iwi iwooŋ Abuk naan ; Nţa di, dkak Şaaş.”

Ulemp 13:41

“Natenan an babeeh iko, nañoŋarën, naşoşa, naba. Ţiki, ţi ŋnuur ŋi nawooŋ ŋi, dluŋ kado uko uweek wi nameeŋ woli baţup ţup ñaaŋ wa, aankfiyaar.” »

Ulemp 2:42

Bañaaŋ bakak amëban bnuura pjukan pi banjañan, amëban ţi uţok na bboofar, ţi pfaaşiir kapoom na pñehan Naşibaţi.

Ulemp 20:27

Dţupan iko bŧi yi Naşibaţi ajakuŋ mbi nţupan bë mënduk duk nin uloŋ.

Ulemp 4:20

Un daan ŋënhilanuŋ kayomp na uko wi ŋwinuŋ akuţ aŧiink. »

Baromeŋ 15:27

Aa, badinan pdo haŋ, aşë wo na manjoonan biki pţënk baka. Jibi bayuday banfiyaaruŋ Kriŧtu baţokuŋ iko inuura inwoonuŋ du baţi yi bayeenkuŋ na banwooŋ baanwo bayuday, hënk kak di di bukal kak bawooŋ kaţok na bayuday iko yi umundu yi bakaaŋ.

1 Korinŧ 1:30

Ul adoluŋ kë nawo ţi ploolan na Yeŧu Kriŧtu, kë ul Kriŧtu awooŋ ñaaŋ ankaaŋ kë ŋme uşal unŧuŋa wi Naşibaţi. Akaaŋ kë ŋwo baŧool ţi këş ki Naşibaţi, ayiman ţi kadunul, ul abuuranuŋ nja ţi pekadu.

1 Korinŧ 1:9

Naşibaţi aji do uko bŧi wi ahoŋuŋ, ul andatanaŋ nawo ţi ploolan na Abukul Yeŧu Kriŧtu Ajugun.

1 Korinŧ 15:1

An bayiţ naan, dŋal kaleşanan Uţup Ulil Unuura wi nţupanaŋ, wi nayeenkuŋ akuţ amëban ţi wa aliinŧ.

Efeŧ 3:6

Uko umbiiŋ amena wuŋ uwo kë banwooŋ baanwo bayuday bayeenk bnuura bi Naşibaţi ji bayuday, banaakiir akak uleef uloolan, ayeenk bŧi uko wi Naşibaţi ahoŋuŋ. Uko mënţ udolanaa ţiki bakak baloolan ţi Kriŧtu wi bafiyaaruŋ Uţup Ulil Unuura.

Filipiya 1:7

Unuura nwo na uşal uŧënţ waŋ pa an bŧi. Na manjoonan dţu'an ţi uhaaş wi naan, woli dwo ukalabuş këme awo ţi pgutar Uţup Ulil Unuura, an bŧi naji naţënkën ţi ulemp wi Naşibaţi awulnuŋ.

Filipiya 2:1

Woli pwo baloolan ţi Kriŧtu paji patëŋţënan, woli uŋal wi akaaŋ pa an uji uţañanan mnţëg, woli Uhaaş wi Naşibaţi uţu'an kë nakak baloolan, woli naŋaladi abot añagiir,

Filipiya 3:10

Uko wi nŋaluŋ uwo pme Kriŧtu. Pme'a pawooŋ pme mnhina mi pnaţa pi nul ţi pkeţ na phaj ji a kaşë kanaam na a ţi pkeţ pi nul.

Koloŧ 1:13

Alëb nja ţi phina pi bdëm añooţ du pşih pi Abukul i aŋaluŋ.

1 Teŧalonika 1:10

kayoonkna ubi wi Abukul Yeŧu ankluŋ kawoona baţi, i anaţanuŋ ţi pkeţ, ankbuuranuŋ nja ţi udeeb unkmbiiŋ.

1 Timote 6:2

Kë banşaaŋ alempar bañaaŋ banfiyaaruŋ Kriŧtu, bawutan kaşal kaji babeeh baka ţiki bawo bayiţ baka ţi Kriŧtu. Bawo kaţëp ţëp kado kalempar baka bnuura ţiki bañaaŋ biki Naşibaţi aŋaluŋ biki baklemparuŋ hënk.

Bahebërë 2:12

aţiini ţi Ulibra wi Naşibaţi aji : « Dluŋ kaţiiniyaan katimu ţi pŧoof pi bayiţ naan dluŋ kadëmanu ţi kadun ki bañaaŋ baŧum. »

Bahebërë 3:1

An bayiţ naan nanwooŋ bajinţ ţi këş ki Naşibaţi kë adatan, natenan keeri ţi Yeŧu. Naşibaţi ayila kë awo naşih i baţeŋan, uko mënţ wi wi ŋfiyaaruŋ akuţ aţup.

Bahebërë 3:14

Ŋwo ţi ploolan na Kriŧtu na manjoonan woli ŋmëban te ubaañşaani ţi mnhaţ mi ŋbiiŋ awoonaan du ujuni.

1 Piyeer 5:1

An bantohi biki banfiyaaruŋ, dŋal kaţiini na an hënkuŋ. Nji nwooŋ nantohi ji an, amaar mnhaj mi Kriŧtu awo kaluŋ kaţok ţi mndëm mi akdiimanuŋ, uko wi nji kañehananaŋ wii wi :

2 Piyeer 1:16

Mënţ inŧintamëş itit yi ŋpaşuŋ yi yi ŋbiiŋ aţupan wi ŋdolanaŋ kë name mnhina mi Yeŧu Kriŧtu Ajugun akuţ ame ubi wi nul, ŋwin win na këş ki nun mndëm mi nul.

1 Yowan 1:1

Ŋţiiniyaan ţi nawo Uţup unkwuluŋ ubida ; awo du ujuni, ŋŧiinka awina na këş ki nun, abot atena bnuura, akuţ abana na iñen yi nun.

1 Yowan 1:5

Uţup wi ŋŧiinknuŋ ţi Yeŧu Kriŧtu aşë ţupan hënkuŋ wi : Naşibaţi awo bjeehi, nin bdëm bloŋ baanwo ţi a.

1 Yowan 1:7

Aşë wo woli ŋpoş ţi bjeehi jibi Naşibaţi ţi uleeful awooŋ ţi bjeehi, ŋkeer awo baloolan nja bŧi, kë pñaak pi Yeŧu Abukul pajinţan nja ţi pekadu bŧi.