1 Teŧalonika 5:8 - Mankanya

⁸ Kë nja, ŋnwooŋ biki pnak, ŋënwo kakuj ; nawulën ŋjej pfiyaar na bŋalad ŋdo kamişa kanţak ki bangoli, ŋjej mnhaţ mi ŋluŋ kabuur ŋdo uŧepi unţak.

1 Teŧalonika 5:8 ပူးပေါင်းရင်းမြစ်များ

Kañaam 42:11

Uleef uŋër na nji bŧi, başoorad naan bakarën, baji bajakën na ŋnuur : « Naşibaţi i nu awo ţuŋ ba ? »

Kañaam 42:5

Uhaaş wi naan uji ujooţan woli dleş wal wi njaaŋ kapoş na bañaaŋ baŧum kawo ţi kadun ki pnŧuk panwooŋ ţi ufeŧtu te du katoh ki Naşibaţi, başë kahuuran na mnlilan kabot kabeeba.

Kañaam 43:5

Hakadi ! Iwi uhaaş naan, we wi ibaaŋ ajooţan ba ? Wel wi ibaaŋ aţëga ba ? Haţan ţi Naşibaţi ! Dluŋ kabeebu kak, iwi injaaŋ kbuuranaan akuţ awo Naşibaţi i naan.

1 Korinŧ 13:13

Kë iko iwajanţ işaaŋ awo nin iinkba : pfiyaar, mnhaţ na uŋal ; kë uŋal uşaaŋ apel yuŋ mënţan bŧi.

2 Korinŧ 6:7

Ŋji ŋdiiman kë ŋji ŋlempara ţi pţup manjoonan, kë mnhina mi nul manji manţënkun. Iŋaanan yi nun iyeŋanaan ŋleefun na igutni iwooŋ pdo kado uko unwooŋ uŧool ţi këş ki Naşibaţi.

Galaŧiya 5:5

Kë un, uko wi ŋhaţuŋ, uwo kë ŋwoona baŧool ţi këş ki Naşibaţi ţi pfiyaar. Uko waŋ, uwooŋ uko wi Uhaaş wi Naşibaţi ukţënkuŋ un pyoonk.

Efeŧ 6:11

Najejan iko iguti bŧi yi Naşibaţi awulanaŋ, napokna kaguuru ki Unŧaayi Uweek,

Efeŧ 6:23

Dñehan Naşibaţi Aşin nja na Yeŧu Kriŧtu Ajugun bajoobţën ŋhaaş ŋi banfiyaaruluŋ bado kaŋalad babot bahoţëlëş pfiyaar pi baka.

1 Teŧalonika 5:5

Na manjoonan, an bŧi nawo babuk bjeehi, babuk pnak. Ŋënwo biki uŧejan, biki bdëm.

2 Teŧalonika 2:16

Ŋñehan Yeŧu Kriŧtu Ajugun ul ţi uleeful, na Naşibaţi Aşin nja anŋaluŋ nja abot aţooran nja ŋhaaş te mnţo akuţ aţëpna ţi bnuura bi nul awulun mnhaţ ţi iko inuura inkmbiiŋ,

Bahebërë 6:19

Mnhaţ mënţ manwo uko unţijanuŋ ubida wi nja, manji mando nja ŋneej kaţëp blaañ bweek banŧaaŋuŋ na dko dyimanaan maakan, di Naşibaţi awooŋ.

1 Piyeer 1:13

Nabomandëran keeri, nawo bten, naţu mnhaţ mi nan bŧi ţi bnuura bi nakluŋ kayeenk woli Yeŧu Kriŧtu apën awinana.

1 Piyeer 2:9

Kë an, naşë wo pntaali pandataniiŋ, pntaali pi baţeŋan bankşihuŋ, pntaali pyimanaan, pntaali panwooŋ pi Naşibaţi, nahilna nado kaţup iko iweek iñoŋarënaan yi ampënananaŋ du bdëm aţij moŋ bjeehi bñoŋarënaan bi nul adoluŋ.

1 Yowan 1:7

Aşë wo woli ŋpoş ţi bjeehi jibi Naşibaţi ţi uleeful awooŋ ţi bjeehi, ŋkeer awo baloolan nja bŧi, kë pñaak pi Yeŧu Abukul pajinţan nja ţi pekadu bŧi.