1 Teŧalonika 1:8 - Mankanya

⁸ Du an na manjoonan di di uţup wi Ajugun upënnuŋ, uŧiinkana du Maŧedoniya na Akayi. Mënţ dul da ţañ, baţup ţi dko bŧi jibi nafiyaari Naşibaţi, kë ŋëndo ka uko uţup.

1 Teŧalonika 1:8 ပူးပေါင်းရင်းမြစ်များ

Ppën 18:9

Yetro alilandër iko inuura bŧi yi Nawat Kabuka adoluŋ bañaaŋ biki Iŧrayel, wi abuuranuŋ baka ţi bañaaŋ biki Ejiptu.

Ulemp 18:12

Wi Galiyoŋ awooŋ nanŧuŋa i uŧaak wi Akayi, kë bayuday başë wat ţi ploolan, anaţara Pawulu, añooţ uruha,

Baromeŋ 1:8

Dŋal duna kaţëpna ţi Yeŧu Kriŧtu kabeeb Naşibaţi i njaaŋ kadëman ţi uko wi nan bŧi ţiki bañaaŋ biki umundu bŧi baŧiink kë nafiyaar Kriŧtu.

Baromeŋ 15:26

Banfiyaaruŋ biki ŋŧaak ŋi Maŧedoniya na Akayi badinan pţënk bañaaŋ bawaaŋ mënţ.

Baromeŋ 16:19

Na manjoonan pfiyaar pi nafiyaaruŋ Naşibaţi pameeţana ţi dko bŧi, ukaaŋ kë uwo mnlilan mi naan. Kë nşë ŋal nawo na ŋşal ŋnŧuŋa, kadolna bnuura kaşë kabi kalow low buţaan.

1 Korinŧ 14:36

An biki Korinŧ, naşal aji uţup wi Naşibaţi upënna du an i ? An nawohaŋ baloolan banŧiinkuŋ wa i ?

2 Korinŧ 2:14

Nawulën ŋbeeb Naşibaţi. Adoluŋ kë Kriŧtu akob Ŧatana awat kë ŋţok ţi pwat pi awatuluŋ. Aji ţëpna ţi nja kado Kriŧtu ameeţana kaniink dko bŧi jibi ukëra ulil pţëkëñ ujaaŋ uniink dko.

2 Korinŧ 3:4

Ţi pwo ţi ploolan na Kriŧtu ŋhaţ ţi Naşibaţi, ukaaŋ kë ŋkţiini hënk.

Koloŧ 3:16

Uţup wi Kriŧtu uŧum ţi an ! Nadoon kajukandër, kaţënkar kawutna kajot ţi buţaan. Nadoon kado haŋ na uşal unŧuŋa bŧi, kayeeh Naşibaţi na iyeeh yi pñaamarën na iyeeh yi pdëman Kriŧtu, Uhaaş wi nul uţu'an iyeeh mënţ ţi bkow.

2 Teŧalonika 1:4

Uko mënţ uţu kë ŋji ŋţup uko wi nan ţi kadun ki banfiyaaruŋ Naşibaţi bŧi na mnlilan. Ŋji ŋdo haŋ ţiki baji bahajanan kë an naşë mëbanaara mëban aliinŧan ţi pfiyaar pi nan aji namiir ţi unoor bŧi.

2 Teŧalonika 3:1

An bayiţun ţi Kriŧtu, ŋbaañşaan kaji na an nañehandërun Naşibaţi, uţup wi Ajugun uhilna udo kaniinka niink dko, bañaaŋ badoki bawin mndëm manwooŋ ţi wa jibi an nadoluŋ.

1 Timote 2:8

Hënk di di nŋaluŋ biinţ bado kañehan ţi dko di bawohaŋ, badeeŋ iñen ijinţ du baţi, bawut udeeb na pŋom.

2 Timote 2:9

Wul ukaaŋ kë nji kahaj adoo tanana ji nado buţaan. Kë uţup wi Naşibaţi uşë wo uuntananaa.

3 Yowan 1:12

Kë Demetriyuŧ ul, bañaaŋ bŧi baţup uko unuura wi nul, kë mnwo mi nul mankak ayuuj kë awo i manjoonan. Un kak ŋţup bnuura bi nul, kë ikak ame kë uko wi ŋkţupuŋ ujoonani.

Uko wi ayuujuŋ Yowan 14:6

Wi uko waŋ uţëpuŋ, dwin uwanjuŧ uloŋ kë uwo du kalowan du baţi. Uwo na Uţup Ulil Unuura unkţooŋ te mnţo wi uwooŋ kaţup bañaaŋ banwooŋ ţi mboş : uţup wa ŋŧaak bŧi, kşini bŧi na ŋţup bŧi na kntaali bŧi.

Uko wi ayuujuŋ Yowan 22:17

Uhaaş wi Naşibaţi na naniima ŋaji : « Biini ! » Ankŧiinkuŋ ajakan : « Biini ! » Ñaaŋ i udaan uţijuŋ, abiini ; annumiiŋ, abiin ayeenk ţi meel manjaaŋ manwul ubida, bë aankluk nin uko uloŋ.