1 Piyeer 5:8 - Mankanya

⁸ Namëbaan ŋleef ŋi nan, nawo bten : Unŧaayi Uweek unwooŋ uşooradan uñaay wu wuŋ awo ji uliihu unkliihuŋ ala uko ude.

1 Piyeer 5:8 ပူးပေါင်းရင်းမြစ်များ

Maci 13:39

Naşoorad anjaaŋ aŧepi umbiilu, awooŋ Unŧaayi Uweek, kakit kawooŋ uba umundu kë bakit başë wo ŋwanjuŧ.

Maci 24:42

« Nawoon bten, naamme unuur wi Ajugun akbiiŋ.

Maci 25:41

« Wi wi aşaaŋ aji na banwooŋ ţi kamayu : “Nalowaan, an nanfëpaniiŋ naya du bdoo banwooŋ baankjëmşa bi babomanuŋ pa Unŧaayi Uweek na ŋţaşar wa.

Maci 4:1

Wi Yeŧu apënaŋ pën du meel kë Uhaaş wi Naşibaţi uşë ñooţa du pndiiş, kë Unŧaayi Uweek ukdo na pguura ado buţaan.

Maci 4:11

Wi wi unŧaayi uşaaŋ aya aduka. Kë ŋwanjuŧ ŋaşë bi añoga, alempara.

Markuŧ 4:15

Bañaaŋ baloŋ bawo ji bgah bi Uţup ujotuŋ, wi banŧiinkaŋ ŧiink Uţup, kë Ŧatana aşë ban apënan uţup wi baŧepiiŋ ţi baka.

Luk 21:34

Yeŧu akak aji : « Nalipariin, nakwut ŋhaaş ŋi nan ŋaduka ţi unoh uweek, na ukuj, na manţaaf mi umundu, nado kaţi unuur mënţ ukur kur ujotni'an

Luk 21:36

Nawoon bten keeri, nado kañehan Naşibaţi wal undoli, nahilna nabuur ţi iko inwooŋ yi pbi bŧi, nabot nahilna nanaţ ţi kadun ki Abuk Ñiinţ. »

Luk 22:31

Kë Yeŧu akak aji : « Ŧimoŋ, Ŧimoŋ, Ŧatana añehan pa phil kaşinţ şinţanan ji ŋdeey ţi kajeţ.

Yowan 8:44

Nawo babuk Unŧaayi Uweek kë iko yi aşinan aŋaluŋ yi yi najaaŋ naŋal kado kado. Du ujuni adobi woha wo nafiŋ bañaaŋ, nin aanji ţup manjoonan, ţiki manjoonan maanwo ţi a. Woli aţilan aji do uko wi awooŋ, ţiki awo naţilan abot awo aşin baţilan.

2 Korinŧ 2:11

Ddo haŋ Ŧatana awutna kaguur nja ; ŋme bnuura iko yi ajaaŋ aŋal pdo.

Efeŧ 4:27

Nakţen Unŧaayi Uweek dko dmëban.

Efeŧ 6:11

Najejan iko iguti bŧi yi Naşibaţi awulanaŋ, napokna kaguuru ki Unŧaayi Uweek,

1 Timote 2:15

Kë kabuk kaşë luŋ kadola abuur. Baaţ babuur woli bataman afiyaar Kriŧtu, aŋal bañaaŋ abot awo bañaaŋ banwooŋ bajinţ piş ţi kadun ki Naşibaţi. Bawo kak kawut pdo kala pwinana.

1 Timote 2:9

Kë baaţ, dŋal bawohara, bawun ŋleef ŋi baka, bawut kajotan kadun pşiiran na pţu irinku yi uwuuru këme plankara mnko na pñëga maakan,

1 Timote 3:11

Kë hënk kak di di baaţ bawooŋ kawo. Bawo kawo baaţ banŧiinkaniiŋ, banwooŋ baanji bakuutar, banţijanuŋ ŋleef ŋi baka abot awo baŧool ţi iko bŧi yi bajaaŋ bado.

1 Timote 3:2

Kë naweek aşë wo kawo ñaaŋ i bawooŋ baanhinan pţup nin uko uloŋ ţi a, awo kaniim ñaaţ aloolan kaliŋ ţi a, awo kawo ñaaŋ anţijanuŋ uleeful, ankaaŋ uşal, kaŋal bañaaŋ, kayeenk baka bnuura, kahinan pjukan.

2 Timote 4:17

Kë Ajugun aşë wo ţi kafeţ naan awulën mnhina mi pţup uţup wi nul bŧi, bañaaŋ banwooŋ baanwo bayuday bŧi bahilna baŧiink wa. Kë hënk di di abuuranaanuŋ ţi pkeţ.

Tit 1:8

Kë aşë wo i kaţëp ţëp kawo ñaaŋ anjaaŋ ayeenk bañaaŋ bnuura, anŋaluŋ pdo bnuura, aka uşal, awo naŧool, aţaş Naşibaţi, abot aţijan uleeful.

Tit 2:12

Bnuura mënţ baji bajukan nja pwut iko inwooŋ iinlil Naşibaţi na iko iwuţaan yi ŋleef nja ŋaŋaluŋ. Hënk ŋhilan pwo na uşal, kawo bañaaŋ baŧool, kado iko inliluŋ Naşibaţi ţi mboş,

Tit 2:2

Ţiiniin na baţaf iji na baka bawo kaţijan ŋleef ŋi baka, kawo bañaaŋ banŧiinkaniiŋ, bankaaŋ ŋşal, bawo kamëban kaliinŧ ţi pfiyaar Yeŧu, ţi pŋal bañaaŋ na ţi kamiir.

Tit 2:4

Woli bado haŋ, bajukan baaţ banhojuŋ pŋal bayin baka na babuk baka,

Tit 2:6

Kë hënk kak di di nŋaluŋ iţiini na baţaşa iji na baka baţoorandër.

Yakob 4:7

Naţaşan keeri Naşibaţi naşë napok Unŧaayi Uweek, uţi wal mënţ kalow an.

1 Piyeer 1:13

Nabomandëran keeri, nawo bten, naţu mnhaţ mi nan bŧi ţi bnuura bi nakluŋ kayeenk woli Yeŧu Kriŧtu apën awinana.

1 Piyeer 4:7

Uba umundu uñogi ; nadoon kalipara, namëbaan ŋleef ŋi nan keeri, nahilna nañehan Naşibaţi.

Uko wi ayuujuŋ Yowan 12:10

Kë nşë ŧiink pdiim pweek du baţi kë pakji : « Wal wi mbuur ubani, wal wi mnhina na pşih pi Naşibaţi i nun, wal wi Kriŧtu i adatuŋ akdooŋ kaşih ! Ñaaŋ anjaaŋ atapar bayiţ nja ţi Kriŧtu ñaaŋ anjaaŋ aya du Naşibaţi i nun katapar baka unuur bŧi na uŧejan bŧi awatana du mboş.

Uko wi ayuujuŋ Yowan 12:12

Ukaaŋ, iwi baţi, na banfëţuŋ ţi iwi, nalilaan. Kë an mboş na bdëk nawoon na pwuţan, ţiki Unŧaayi Uweek uwala ţi an. Uwala ţi an na udeeb uweek ţiki ume kë uduki'a wa ŋwal ŋntiinku. »

Uko wi ayuujuŋ Yowan 12:9

Bawat unjumpul uweek, upula ujon wi bajaaŋ bado Ŧatana Këme Unŧaayi Uweek, unjaaŋ uguur umundu bŧi. Bawat wa ţi mboş wul na ŋwanjuŧ ŋi wa.

Uko wi ayuujuŋ Yowan 20:10

Wal mënţ, kë Unŧaayi Uweek, unguuruŋ baka, uşë fëlana du katant ki bdoo banwooŋ na pdëpalën panjaaŋ patërad aţënk da ulimariya na naţupar wa. Bahaj maakan pnak na uŧejan te mnţo.

Uko wi ayuujuŋ Yowan 20:2

Uya mob unjumpul, upula wi ţfa, wul uwooŋ Unŧaayi Uweek, Ŧatana aşë tan wa pa ŋşubal iñeen-week ŋyaaş iñeen (1000).