1 Piyeer 2:5 - Mankanya

⁵ Nawutan Naşibaţi ajejan nawo kak ji pnduba panwooŋ pjeb pankniwnuŋ katoh ki Uhaaş wi nul ukfëţuŋ, nawo pntaali pi baţeŋan pyimanaan kadolna uţen na iţeŋan inkliluŋ Naşibaţi jibi Uhaaş wi nul uŋaluŋ. Yeŧu Kriŧtu akdooŋ uţen na iţeŋan mënţ ilil Naşibaţi.

1 Piyeer 2:5 ပူးပေါင်းရင်းမြစ်များ

Kañaam 50:14

Beebaan nji Naşibaţi, uwooŋ bţeŋan bi nu, işë ido iko yi ihoŋuŋ nji Naşibaţi Andëmuŋ Maakan.

Kañaam 50:23

Pbeebën pawooŋ bţeŋan banjaaŋ badëmanaan ; kë anjaaŋ aţaaf bgah bi naan, dluŋ kawula mbuur mi njaaŋ kawul. »

Ppën 19:6

Dmëbanan ji pntaali pi baţeŋan, pntaali pyimanaan.” Uko waŋ wi wi ikyaaŋ kaţup bañaaŋ biki Iŧrayel. »

Baromeŋ 12:1

An bayiţ naan, Naşibaţi adiimanuŋ nja kamiir ki nul, ukaaŋ kë nji kakooţan kooţ keeri, nawul ŋleefan ŋawo bţeŋan bjeb banwooŋ bi Naşibaţi abot alila. Waŋ ukwooŋ pdëman pi nakdooŋ kadëmana ţi ŋhaaşan.

Baromeŋ 15:16

adolën kë nji kalempar Yeŧu Kriŧtu ţi kadun ki banwooŋ baanwo bayuday. Dji kado ulemp uyimanaan wi pţup Uţup Ulil Unuura wi Naşibaţi, bañaaŋ biki ŋŧaak bŧi bahilna bawo uţen unliluŋ Naşibaţi wi uhaaş wi nul udoluŋ kë uyimani.

1 Korinŧ 3:16

Naamme kë nawo katoh ki Naşibaţi i, kë Uhaaş wi nul uwo ţi an meeţ i ?

1 Korinŧ 3:9

Nja ŋlemp lemp na Naşibaţi, kë an naşë wo uţeeh wi nul, nawo katoh ki awooŋ ţi pniw.

1 Korinŧ 6:19

Naamme me kë uleef wi nan uwooŋ dko dyimanaan di Uhaaş wi Naşibaţi ufëţuŋ i ? Uwo ţi an, Naşibaţi awulanaŋ wa. Mënţ an keeri nakaaŋ uleefan.

2 Korinŧ 6:16

Hum di di Katoh ki Naşibaţi kahiluŋ kawo na ŋnŧoŋ ? Na manjoonan nja ŋwo dko dyimanaan di Uhaaş wi Naşibaţi anwooŋ najeb ufëţuŋ. Hënk di di Naşibaţi aţiiniiŋ ţi Ulibra wi nul aji : « Dluŋ kafëţ ţi pŧoof pi baka kapoş na baka ; dwo Naşibaţi i baka, başë bawo pntaali pi naan. »

Galaŧiya 6:10

Wi ŋhumuŋ keeri nhinaa, najoh ŋdo kalemp pa bnuura bi bayiţun banfiyaaruŋ na pa bnuura bi bañaaŋ bŧi.

Filipiya 1:11

Nawo kak bañaaŋ banŧumuŋ na uko wi pwo baŧool wi Yeŧu Kriŧtu aţuuŋ ţi an. Hënk nayuuj mndëm mi Naşibaţi, bañaaŋ babot bado kadëmana.

Filipiya 2:17

Woli pñaak pi naan padoo wo i ptula kawo uñaakan wi bţeŋan banwooŋ pfiyaar pi nafiyaaruŋ, kalilanaara lilan kabot kaŧaŋ na an bŧi.

Filipiya 4:18

Dyeenk iko yi nnumiiŋ bŧi, ido pel kanuma ki naan. Dŧumandëni, hënkuŋ wi nyeenkuŋ iko bŧi yi nayiluŋ Epafrodit aţijën. Iwo ji pţëkëñ plil pi bţeŋan bi Naşibaţi adiiŋ abot alilandër.

Koloŧ 3:17

Uko bŧi wi nahilanuŋ kaţup këme kado, nadolan wa ţi katim ki Yeŧu Ajugun. Naţëpnan ţi a nado kabeeb Naşibaţi Aşin nja.

1 Timote 3:15

nşale luŋ ajon ubi, kşë me jibi bañaaŋ bawooŋ kawo ţi katoh ki Naşibaţi kanwooŋ bañaaŋ banfiyaaruluŋ, ul anwooŋ najeb. Bamëban manjoonan jibi pkumel na iŧap ijaaŋ imëban katoh.

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

1 Piyeer 2:9

Kë an, naşë wo pntaali pandataniiŋ, pntaali pi baţeŋan bankşihuŋ, pntaali pyimanaan, pntaali panwooŋ pi Naşibaţi, nahilna nado kaţup iko iweek iñoŋarënaan yi ampënananaŋ du bdëm aţij moŋ bjeehi bñoŋarënaan bi nul adoluŋ.

1 Piyeer 4:11

Woli ñaaŋ ayeenk uţen wi bţup, adoon kaţup ji Naţupar Naşibaţi ; woli ayeenk uţen wi pţënk bañaaŋ, adoon kaţënk baka na mnhina mi Naşibaţi awululuŋ. Hënk, Yeŧu Kriŧtu anwooŋ na mndëm na mnhina te mnţo, akkaaŋ bado kadëman Naşibaţi ţi iko bŧi. Uwo haŋ !

1 Piyeer 4:17

Wal ubani, wi pwayëş pakjunuŋ, kaşë kajunna pntaali pi Naşibaţi. Kë woli ajunna nja, hum di di ukwooŋ ţi ubaañşaani, wal wi akwayëşuŋ banjaaŋ bapok pŧiink Uţup Ulil Unuura wi nul.

Uko wi ayuujuŋ Yowan 1:6

Ado nja kë ŋwo pntaali pi baţeŋan banwooŋ başih aşë lemp ţi kadun ki Naşibaţi Aşin. Mndëm manwo ţi a te uba umundu ! Aşih te mndani ! Uwo haŋ !

Uko wi ayuujuŋ Yowan 20:6

Bannaţiiŋ uŧeek ţi pkeţ banuurandëni ! Bawo biki Naşibaţi, pkeţ ptëbanţën paankhilan nin uko uloŋ ţi baka. Bawo baţeŋan biki Naşibaţi na Kriŧtu kabot kaşih na a ŋşubal iñeen-week ŋyaaş iñeen.

Uko wi ayuujuŋ Yowan 3:12

Bampokuŋ buţaan, ddo baka banaţ ji pŧap du Katoh ki Naşibaţi i naan. Nin baankak apën da. Dpiiŧ ţi baka katim ki Naşibaţi i naan na katim ki ubeeka wi Naşibaţi i naan. Ubeeka mënţ uwooŋ Yeruŧalem dhalu dankwalnaniiŋ baţi du Naşibaţi i naan. Dpiiŧ ţi baka kak katim naan kahalu.

Uko wi ayuujuŋ Yowan 5:10

Ido baka kë bawo pntaali pi baţeŋan banwooŋ başih aşë lemp ţi kadun ki Naşibaţi, bankşihuŋ ţi mboş. »