1 Piyeer 2:17 - Mankanya

¹⁷ Nadëmaan bañaaŋ bŧi, naŋalan bayiţan ţi Kriŧtu, nawutan kañoom Naşibaţi, nadoon kadëman naşih najeenkal.

1 Piyeer 2:17 ပူးပေါင်းရင်းမြစ်များ

Ujuni 20:11

Abraham aŧeema aji : « Dşal aji bañaaŋ banwooŋ ţi bañoom Naşibaţi, kë kanuura ki ahar naan kahil kaţu bafiŋën.

Ujuni 22:12

Kë uşë ji na a : « Kdeeŋ kañen ţi napoţ ! Kdola nin buţaan ! Dme hënkuŋ kë iji kŧiink Naşibaţi : Idinan pwulën abuku aloolan ţañ i ikaaŋ. »

Ujuni 42:18

Unuur uwajanţën Yoŧef aji na baka : « Nji dji kadëman Naşibaţi na manjoonan, ukaaŋ kë nji kaţupan uko wi nakdoluŋ kahilna kawo naankkeţ.

Ppën 20:12

« Mëbaan şaaş na naan bnuura ŋnuur ŋi nu ŋahilna ŋaŧum ţi mboş mi Nawat Kabuka Naşibaţi i nu akwuliiŋ.

Bgah 19:32

« Iwo kanaţa wal wi nantohi abiiŋ, kadëmana. Nadiimaan ţi mnwo mi nan kë naji naŧiinkën. Nji dwooŋ Yawe Nawat Kabuka.

Maci 22:21

aji : « Ŧeŧar a. » Wi wi aşaaŋ aji na baka : « Nakeerin nakakan Ŧeŧar uko unwooŋ wi Ŧeŧar, naşë nakakan Naşibaţi uko unwooŋ wi Naşibaţi. »

Yowan 13:35

Woli naŋaladi, bañaaŋ bŧi bayikrën wal mënţ kë nawo baţaşaraan. »

Baromeŋ 12:10

Naŋaladan na baŧënţan jibi naŋaladuŋ du katoh, andoli ji taman ţi pdëman aŧënţul.

Baromeŋ 13:7

Lukan ñaaŋ andoli uko wi iwooŋ i pluka. Iwole kaluk daaşa, lukan da ; uko wi iwohaŋ pluk pşih, lukan wa. Kë hënk kak, iwole pŧiink ñaaŋ, ŧiinkana bnuura ; iwole pdëman ñaaŋ, dëmaana.

2 Korinŧ 7:1

An biki nŋaluŋ maakan, wi Naşibaţi ahoŋuŋ nja iko mënţ, nabiin keeri ŋpënan iko iţop bŧi inwooŋ ţi ŋleef ŋi nja na ŋhaaş ŋi nja, ŋdoonaan ŋwo bañaaŋ bajinţ ţi këş ki Naşibaţi, ŋbot ŋdo kaţi'a.

Efeŧ 5:21

Andoli adoon kaţaş Kriŧtu ţi pdo kaŧiink baŧënţul.

Filipiya 2:3

Nawutan kado kado nin uko uloŋ na uşal wi bpulad, këme kado kado uko uloŋ kalaana pwinana. Naţëpën ţëp nawalan ikow nado katen baŧënţan ji badëm apelan.

1 Timote 6:1

Bañaaŋ bŧi banwooŋ balempar bañaaŋ bawo kamëban biki baklemparuŋ kado kaŧiink baka bnuura. Hënk baankdo nin uko uloŋ uwuţaan wi bañaaŋ bakţijanuŋ kaŧokna katim ki Naşibaţi na pjukan pi nun.

Bahebërë 13:1

Natamaan naŋalad ji bañaaŋ banţaaruŋ.

1 Piyeer 1:22

Nakak ajinţ wi nakţaşuŋ manjoonan, kaŋaladaan na manjoonan ji bañaaŋ banţaaruŋ, naŋaladan maakan na ŋhaaş ŋjinţ keeri.

1 Piyeer 2:13

Nadoon kaŧiink bañaaŋ bŧi banwooŋ ţi pşih wi naŋaluŋ Ajugun. Nadoon kaŧiink naşih najeenkal ţiki ul aţooŋ ţi pşih,

1 Piyeer 5:5

Kë an baţaşa, nadoon kaŧiink bantohi. An bŧi najaan nawalan ikowan ţi mnwo mi nan na baŧënţan. Upiiŧana ţi Ulibra wi Naşibaţi aji : « Naşibaţi aji pok bankdëmanuŋ ikow yi baka, kaşë wul banwalanuŋ ikow yi baka bnuura bi nul. »