1 Korinŧ 9:7 - Mankanya

⁷ Nabi ŧiinka kë baji nangoli aklukuŋ uko wi akdeeŋ i ? In ajaaŋ ado uţeeh kaşë wo aanji deena wa ? In ajaaŋ ado batani kaşë wo iinji kdaan mntow mi batani mënţ ba ?

1 Korinŧ 9:7 ပူးပေါင်းရင်းမြစ်များ

Ulemp 20:28

Nalipariin ŋleefan, na batani bŧi bi Uhaaş wi Naşibaţi uwulanaŋ, aji nado kayeŋ. Namëbaan banfiyaaruŋ Naşibaţi biki bnuura. Yeŧu atul pñaakul, pbuuranaan pnŧuk pi nul.

1 Timote 1:18

Timote abuk naan, uko wi Uhaaş wi Naşibaţi ubiiŋ aţëpna ţi bañaaŋ aţup ţi iwi utëŋţënu ihinan igut ugut unuura.

1 Timote 6:12

Gutaan ugut unuura unwooŋ pmëban pfiyaar pi ŋfiyaaruŋ Kriŧtu aliinŧ, işë iyeenk ubida wi mnţo unkaaŋ kë idu'anaa wi iţupuŋ aji ifiyaar Kriŧtu kë bañaaŋ baŧum bammaari.

2 Timote 4:7

Dgutan ugut unuura, dba pţi, dmëban ţi pfiyaar pi nfiyaaruŋ Yeŧu Kriŧtu.

1 Piyeer 5:2

naţoŋan bnuura batani bi Naşibaţi ahankananaŋ ; nawutan kaşal kë baţu'an ţu utamu, nadoon kaţoŋ ba na uhaaş ujinţ, jibi Naşibaţi aŋaluŋ. Nawutan kado uko mënţ kalaana pyok pwuţaan, nadoon wa ţiki naŋal ŋal na uhaaşan bŧi pdo bnuura.