1 Korinŧ 3:16 - Mankanya

¹⁶ Naamme kë nawo katoh ki Naşibaţi i, kë Uhaaş wi nul uwo ţi an meeţ i ?

1 Korinŧ 3:16 ပူးပေါင်းရင်းမြစ်များ

Yowan 14:17

aŋ mënţan awooŋ Uhaaş wi Manjoonan wi umundu uwooŋ uunhil pyeenk ţiki uunwin wa abot awo uunyikrën wa. An, name wa ţiki uñogan akuţ aluŋ kawo ţi an.

Baromeŋ 6:16

Naamme kë woli nawutar uleefan ñaaŋ aloŋ kë awo naşih i nan, naji nawo ţi mnhina mi nul i ? Woli pekadu di di nawutaruŋ uleef, daji daţij pkeţ, woli Naşibaţi a, naji nawo baŧool.

Baromeŋ 6:3

Naamme kë nja bŧi ŋnyeenknuŋ batiŧmu ţi Yeŧu Kriŧtu, ŋyeenk yeenk batiŧmu ţi pkeţ pi nul i ?

Baromeŋ 8:11

Kë woli uhaaş wi anaţanaanuŋ Yeŧu ţi pkeţ uwo ţi an, annaţanuŋ Yeŧu ţi pkeţ aluŋ kaţëpna ţi uhaaşul unwooŋ ţi an kawul ŋleefan ŋanwooŋ ŋi pkeţ ubida.

Baromeŋ 8:9

Hënkuŋ naankak aţaş iko yi ŋleefan ŋaŋaluŋ, naţaş Uhaaş wi Naşibaţi, unwooŋ ţi an. Bañaaŋ banwooŋ baanwo na Uhaaş wi Yeŧu Kriŧtu, baanwo biki nul.

1 Korinŧ 3:17

Woli ñaaŋ aloŋ aŧok katoh ki Naşibaţi, uŋ mënţan Naşibaţi aŧoka. Katoh ki Naşibaţi kayimani, katoh mënţ kawooŋ an.

1 Korinŧ 3:9

Nja ŋlemp lemp na Naşibaţi, kë an naşë wo uţeeh wi nul, nawo katoh ki awooŋ ţi pniw.

1 Korinŧ 5:6

Naanwo i kado kahomp nin ! Naamme kë uko untiinku utaajanaan pşon ujaaŋ unaţan pşon pŧum i ?

1 Korinŧ 6:16

Naamme kë ñaaŋ anyaaŋ anaakiir na ñaaţ naţuunk aji kak kawo ñaaŋ aloolan na a i ? Na manjoonan upiiŧana aji ţi Ulibra wi Naşibaţi : « Bukal batëb bakak ñaaŋ aloolan. »

1 Korinŧ 6:19

Naamme me kë uleef wi nan uwooŋ dko dyimanaan di Uhaaş wi Naşibaţi ufëţuŋ i ? Uwo ţi an, Naşibaţi awulanaŋ wa. Mënţ an keeri nakaaŋ uleefan.

1 Korinŧ 6:9

Naamme kë banjaaŋ bado buţaan baankluŋ kawo du Pşih pi Naşibaţi i ? Naŧiinkan bnuura : bañaaŋ banjaaŋ bajuban pjuban pi piinţ, banjaaŋ badëman ŋnŧoŋ, baţupan, banjaaŋ bapiinţ na biinţ ji baka, këme baaţ ji baka,

1 Korinŧ 9:13

Naamme kë bañaaŋ banjaaŋ balemp du Katoh Kaweek ki Naşibaţi baka na pdeena da i ? Aa, bankţeŋanuŋ du umeeşa wi mngur baka na pyeenk ţi iko inţeŋanuŋ da.

1 Korinŧ 9:24

Naamme kë ţi pţi, baŧum baji baţi, aloolan kaşë jot bandukiiŋ kadun kayeenk katuum i ? Naţiin keeri nahilna nayeenk katuum.

2 Korinŧ 6:16

Hum di di Katoh ki Naşibaţi kahiluŋ kawo na ŋnŧoŋ ? Na manjoonan nja ŋwo dko dyimanaan di Uhaaş wi Naşibaţi anwooŋ najeb ufëţuŋ. Hënk di di Naşibaţi aţiiniiŋ ţi Ulibra wi nul aji : « Dluŋ kafëţ ţi pŧoof pi baka kapoş na baka ; dwo Naşibaţi i baka, başë bawo pntaali pi naan. »

1 Timote 3:15

nşale luŋ ajon ubi, kşë me jibi bañaaŋ bawooŋ kawo ţi katoh ki Naşibaţi kanwooŋ bañaaŋ banfiyaaruluŋ, ul anwooŋ najeb. Bamëban manjoonan jibi pkumel na iŧap ijaaŋ imëban katoh.

2 Timote 1:14

Ţijaan bnuura uko unuura wi ahankaniiŋ, wi Uhaaş wi Naşibaţi unwooŋ ţi nja ukţënkiiŋ iţijan.

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

Yakob 4:4

An pntaali pandekuŋ Naşibaţi kafeţ ji ñaaţ andaaruŋ ayinul, naamme kë pŋal umundu pawo ppok Naşibaţi i ? Anŋaluŋ pwo nanoh i umundu aji wo naşoor Naşibaţi.

1 Piyeer 2:5

Nawutan Naşibaţi ajejan nawo kak ji pnduba panwooŋ pjeb pankniwnuŋ katoh ki Uhaaş wi nul ukfëţuŋ, nawo pntaali pi baţeŋan pyimanaan kadolna uţen na iţeŋan inkliluŋ Naşibaţi jibi Uhaaş wi nul uŋaluŋ. Yeŧu Kriŧtu akdooŋ uţen na iţeŋan mënţ ilil Naşibaţi.

1 Yowan 4:12

Nin ñaaŋ aambaaŋ kawin Naşibaţi. Kë woli ŋŋaladi, Naşibaţi aji wo ţi nja, uŋalul ubot kawinana bnuura ţi nja.