1 Korinŧ 15:34 - Mankanya

³⁴ Naţëlşan ŋşal ŋi nan, naţañan pjuban. Na manjoonan, baloŋ ţi an baamme Naşibaţi ; uwo mnkow pa an.

1 Korinŧ 15:34 ပူးပေါင်းရင်းမြစ်များ

Kañaam 4:4

Nameen kë Yawe Nawat Kabuka aji dat ñaaŋ anjaaŋ aŧiinka ; woli ddu'a, aji ŧiinkën.

Yonaŧ 1:6

Kë naweek i balemp aşë ñoga aji na a : « Iwi, we wa ba ? Iŋoyënţ ŋoyënţ we ba ? Naţiin iñehan ŋnŧoŋ ŋi nu, ulome ŋaşal nja ŋaankwut nja ŋkeţ. »

Maci 22:29

Kë Yeŧu aşë ŧeem baka aji : « Naneemi, naamme Ulibra wi Naşibaţi abot awo naamme mnhina mi nul.

Yowan 5:14

Wi uko waŋ uţëpuŋ, Yeŧu ayit na ñiinţ i ajebanuŋ du Katoh Kaweek ki Naşibaţi aşë ji na a : « Hënkuŋ ijebi, ţañaanuŋ pjuban ji uko untamuŋ apel umbiiŋ adolu umobu. »

Yowan 8:11

Kë aŧeem aji : « Nin aloŋ Naweek. » Kë Yeŧu akak aji na a : « Nji kak, mënkji kë iwo i kakeţ. Yaan na bgahu, işë iţañan pjuban. »]

Ulemp 26:8

We ukaaŋ kë an bayuday naşal aji ŋënhinan kafiyaar kë Naşibaţi aji naţan bañaaŋ ţi pkeţ ba ? »

Baromeŋ 1:28

Başal aji baanwo i kame Naşibaţi, ukaaŋ kë awut baka ţi ŋşal ŋi baka ŋdah, kë hënk, bakdo iko yi bawooŋ baanwo i kado.

Baromeŋ 13:11

Name wal wi ŋwooŋ hënkuŋ : wal wi pnaţa ţi bŋoy ubani. Unuur wi mbuur uñog nja hënkuŋ apel wal wi ŋbaaŋ ajun jun pfiyaar.

1 Korinŧ 4:14

Mëmpiiŧan piiŧ hënk nakownaana, dpiiŧan piiŧ ji babuk naan biki nŋaluŋ maakan nahilna name.

1 Korinŧ 6:5

Dţiini hënk nakownaana. Naanwo na ñaaŋ aloŋ ţi an anwooŋ na uşal unŧuŋa anhiluŋ kawayëş uhok ţi pŧoofan i ?

1 Korinŧ 8:7

Kë mënţ bañaaŋ bŧi başaaŋ ame uko mënţ. Banfiyaaruŋ baloŋ banţaaluŋ ţfa pdëman iko iloŋ yi bajaaŋ badu Naşibaţi mënţ baji bade ŋyemaţ mënţ kaşë ţu ţi uşal te hënkuŋ kë bawo ţi bţeŋan. Hënk, uşal wi baka unwooŋ uunliinŧi uşë kak kaţop.

Efeŧ 5:14

Hënk di di upiiŧaniiŋ aji : « Naţiin iwi inkŋoyënţuŋ, naţiin ţi pŧoof pi bankeţuŋ, Kriŧtu aşë naţan bjeehi bi nul ţi iwi. »

1 Teŧalonika 4:5

Aankwut uŋal uwuţaan uyoha jibi banwooŋ baamme Naşibaţi bajaaŋ bado.