1 Korinŧ 10:7 - Mankanya

⁷ Nawutan kado kadëman iko yi bajaaŋ badu Naşibaţi ji baloŋ ţi baka. Hënk di di upiiŧaniiŋ ţi Ulibra wi Naşibaţi aji : « Bañaaŋ baţo ade, adaan aşë naţa unoh. »

1 Korinŧ 10:7 ပူးပေါင်းရင်းမြစ်များ

Ppën 32:17

Kë Yoŧuwe aşë ŧiink idiim yi pntaali pankdoluŋ iwuh aşë ji na Moyiŧ : « Iwuh yi ugut iwo du dko di bañaaŋ bafëţuŋ. »

Ppën 32:19

Wi Moyiŧ akñoguŋ dko di bafëţuŋ awin ubay wi baţakuŋ, kë bañaaŋ bawo ţi uki. Wal mënţ Moyiŧ adeebaţ maakan adoo fël klaak ki awoonaanuŋ ţi iñen kë kafoma aroca roca ţi pnkuŋ uţeeh.

Ppën 32:4

Ayeenk ya ţi iñen yi baka ayuuyan aţak ubay, kë bañaaŋ başë huuran aji : « Iŧrayel, uko wi uwooŋ Naşibaţi i nja, wul upënanuŋ nja du Ejiptu. »

Ulemp 15:20

Kë nawulën ŋpiiŧ baka, ŋji na baka bawut kado kade uyemaţ unneenanuŋ, ji wi mngur ; bawut pjuban pi piinţ ; bawut pde uyemaţ wi ŋnŧaam ŋankeţuŋ kë pñaak paantula.

1 Korinŧ 10:14

Ukaaŋ keeri kë nji na an biki nŋaluŋ maakan nalowan iko yi bajaaŋ bado Naşibaţi.

1 Korinŧ 5:11

Uko wi nŋaluŋ lah kaţupan uwo nawut kanaakiir na ñaaŋ anjakuŋ aji awo i Kriŧtu aşë wo ţi pjuban pi piinţ këme añeebar iko, këme adëman ŋnŧoŋ, akuutar, akuj, këme awo naguuru. Naando wo wo kaţok pde na ñaaŋ mënţ.

1 Korinŧ 6:9

Naamme kë banjaaŋ bado buţaan baankluŋ kawo du Pşih pi Naşibaţi i ? Naŧiinkan bnuura : bañaaŋ banjaaŋ bajuban pjuban pi piinţ, banjaaŋ badëman ŋnŧoŋ, baţupan, banjaaŋ bapiinţ na biinţ ji baka, këme baaţ ji baka,

1 Korinŧ 8:7

Kë mënţ bañaaŋ bŧi başaaŋ ame uko mënţ. Banfiyaaruŋ baloŋ banţaaluŋ ţfa pdëman iko iloŋ yi bajaaŋ badu Naşibaţi mënţ baji bade ŋyemaţ mënţ kaşë ţu ţi uşal te hënkuŋ kë bawo ţi bţeŋan. Hënk, uşal wi baka unwooŋ uunliinŧi uşë kak kaţop.

1 Yowan 5:21

An babuk naan, nalowan ŋnŧoŋ.