Zenez 9:2 - Kreol Morisyen OT Portions

² Tou bann zanimo lor later, bann zwazo, bann ti-bebet ek bann pwason dan lamer pou per zot e pou soumet divan zot. Mo met tousala dan zot lame.

Zenez 9:2 ပူးပေါင်းရင်းမြစ်များ

Zenez 1:21

Alor, Bondie kre bann gran mons marin ek tou bann kreatir ki deplas par group dan dilo. Li kre osi tou kalite zwazo. Bondie trouve sa bon.

Zenez 1:26

Lerla Bondie dir: “Anou kre bann imin dan nou limaz ek dan nou resanblans. Zot ava ena lotorite lor bann pwason dan lamer ek bann zwazo dan lezer. Zot ava ena lotorite osi lor bann zanimo domestik, bann zanimo sovaz, ek tou bann bebet ek reptil ki viv lor later.”

Zenez 1:28

Bondie beni zot e li dir zot: “Fer zanfan, peple e ranpli later, e metriz li. Bann pwason dan lamer, bann zwazo dan lezer ek tou bann zanimo ki viv lor later pou bizin soumet divan zot.”

Zenez 2:19

Avek lapousier later, LESEGNER Bondie fasonn tou bann zanimo ek tou bann zwazo. Li fer zot tou vinn divan zom la, pou ki li donn sakenn enn nom. Koumsamem, tou bann kreatir vivan finn gagn zot nom.

Zenez 35:5

Zakob ek so fami pran larout. Anmemtan, Bondie avoy enn gran laper lor bann abitan lezot lavil dan lezanviron. Personn pa oze pourswiv zot.

Zenez 9:1

Bondie beni Noe ek so bann garson, e li dir zot: “Fer zanfan, ogmante e ranpli later.

Zenez 9:3

Mo donn zot tou bann kreatir vivan kouma nouritir. Avan, mo ti donn zot bann plant pou manze. Asterla, mo donn zot tou.