Zenez 48:16 - Kreol Morisyen OT Portions

¹⁶ e anz ki finn tir mwa dan tou danze, beni sa de zanfan la! Zot ava gard mo nom vivan, Parey kouma nom mo granper Abraam, ek mo papa Izaak. Bondie ava donn zot boukou desandan lor later.”

Zenez 48:16 ပူးပေါင်းရင်းမြစ်များ

Zenez 22:11

Me anz LESEGNER apel Abraam depi lesiel: “Abraam, Abraam!” Abraam reponn: “Wi! Mo pe ekout twa.”

Zenez 22:15

Enn deziem fwa, anz LESEGNER apel Abraam depi lesiel.

Zenez 32:28

Li dimann Zakob: “Kouma to apele?” Li reponn: “Zakob.”

Zenez 46:3

Bondie dir li: “Momem Bondie, Bondie to papa. Pa bizin per pou al Lezip. Mo pou fer to bann desandan vinn enn gran pep laba.

Zenez 48:5

Zakob azoute: “To finn gagn de garson dan Lezip avan ki mo vinn kot twa. Zordi mo konsider Efraim ek Manase kouma mo prop zanfan, parey kouma Riben ek Simeon.

Zenez 49:22

Zozef kouma enn zarb bien ver ki pous pre kot enn larivier. So bann brans al ziska lot kote miray.

Psom 121:7

LESEGNER pou protez twa kont tou danze; li pou prezerv to lavi.

Psom 34:2

Mo pou loue li pou tou seki li finn fer; bann ki dan soufrans, ekout mwa e ki lazwa ranpli zot leker.

Psom 34:22

LESEGNER pou toultan sov so pep; bann ki al ver li pou gagn so proteksion e pa pou gagn kondanasion.

Psom 34:7

So bann anz kanp otour bann ki respekte LESEGNER, e li sov zot.

Psom 34:8

Goute e gete konbien LESEGNER li bon. Bienere bann ki swazir so proteksion.

Izai 47:4

Nou sover, LESEGNER Toupwisan samem so nom, Bondie Izrael, finn dir:

Izai 63:9

Dan tou zot langwas, li pa finn anvoy okenn mesaze pou sov zot. Dan so lamour e so konpasion, limem ki finn raset zot, e ki finn sarye zot, e ki finn port zot, tou lezour dan lepase.