Zenez 39:9 - Kreol Morisyen OT Portions

⁹ Personn pena plis lotorite ki mwa dan sa lakaz la. Mo met finn permet mwa fer tou, sof tous twa, parski to so fam. Mo pa pou kapav komet enn lemal parey. Mo pa pou fer enn pese koumsa divan Bondie.”

Zenez 39:9 ပူးပေါင်းရင်းမြစ်များ

Zenez 13:13

Bann abitan Sodom bien move, e zot bann pese bien grav divan LESEGNER.

Zenez 20:3

Me aswar, Bondie averti Abimelek dan enn rev e dir li: “To pou mor, parski sa fam ki to finn amenn kot twa la, li enn fam marye.”

Zenez 20:6

Bondie kontign koz avek li dan so rev e dir li: “Wi, mo kone to inosan. Akoz sa mo pa finn les twa tous li. Mo finn anpes twa fer sa pese la.

Zenez 20:9

Lerla, Abimelek fer apel Abraam, e li dimann li: “Kifer to finn fer sa avek nou? Mo pa finn fer twa nanye demal. Me twa, to finn oule fer mwa ek mo pep komet enn gran pese. To pa ti bizin fer enn zafer parey ar mwa.

Zenez 24:2

Enn zour, Abraam apel so pli ansien serviter ki ansarz so lakaz. Li dir li: “Met to lame anba mo lakwis!.

Zenez 39:10

Fam Potifar kontigne sedwir Zozef toulezour. Me Zozef pa sede; li refiz dormi avek li.

Zenez 41:40

Mo nom twa gouverner mo pei. Tou mo pep pou obeir to lord. Zis mo tousel ki pou pli gran ki twa akoz mo tit lerwa.

Zenez 42:18

Lor trwaziem zour, Zozef dir zot: “Mo ena boukou respe pou Bondie. Mo pou donn zot enn sans pou viv, me zot bizin fer tou seki mo dir zot.

Psom 51:4

Kont twa, kont to tousel ki mo finn fer pese, e mo finn al fer seki to konsider lemal. To ena rezon trouv mwa koupab santans ki to prononse, li zis.

Proverb 6:29

Li parey pou enn zom ki dormi ar fam so prosin; si li fer sa, so konsekans pou bien ser.

Proverb 6:32

Me enn zom ki komet adilter, li finn perdi larezon; kan li fer sa, li detrir so prop lavi.