Zenez 28:3 - Kreol Morisyen OT Portions

³ Ki Bondie Toupwisan beni twa. Li ava donn twa boukou zanfan. To pou vinn anset enn gran pep.

Zenez 28:3 ပူးပေါင်းရင်းမြစ်များ

Zenez 1:28

Bondie beni zot e li dir zot: “Fer zanfan, peple e ranpli later, e metriz li. Bann pwason dan lamer, bann zwazo dan lezer ek tou bann zanimo ki viv lor later pou bizin soumet divan zot.”

Zenez 13:16

Mo pou donn twa enn gran desandans. Zot pou vinn boukou kouma lapousier later. Parey kouma pa kapav kont lapousier later, pa pou kapav kont to bann desandan.

Zenez 17:20

Mo finn tann to lapriyer konsernan Ismael. Mo pou beni li osi, e mo pou donn li boukou zanfan. Li pou ena enn kantite desandan. Li pou vinn papa 12 prins ek anset enn gran nasion.

Zenez 24:60

Avan Rebeka ale, lafami beni li ek sa bann parol la: “Twa, nou ti-ser, To pou vinn anset boukou dimoun. To bann desandan ava pran lavil zot bann lennmi.”

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 26:4

To bann desandan pou vinn boukou, kouma bann zetwal dan lesiel. Tou sa later la pou vinn pou zot. Tou bann nasion lor later pou gagn benediksion atraver zot,

Zenez 27:33

Poulekou, Izaak gagn enn gran tranbleman. Li dir: “Me kisannla finn al lasas e finn prepar enn bon laviann pou mwa? Mo fek fini manz tou avan to vini e mo finn beni li. Mo pa pou kapav retir benediksion la.”

Zenez 35:11

Bondie dir li: “Momem Bondie Toupwisan, Mo pou donn twa boukou zanfan. To pou vinn anset enn gran nasion, e mem plizir nasion. Pou ena bann lerwa parmi to bann desandan.

Zenez 41:52

Li apel so deziem garson Efraim. Li dir: “Bondie finn donn mwa zanfan dan pei kot mo finn soufer.”

Zenez 43:14

Mo priye ki Bondie Toupwisan tous so leker. Li ava gagn pitie pou zot, e li ava les Benzamin ek Simeon revinn avek zot. Mwa, mo ava res tousel, koumadir zame mo ti ena zanfan.”

Zenez 48:3

Li dir Zozef: “Bondie Toupwisan ti aparet avek mwa dan Louz, dan pei Kanaan. Li ti beni mwa.

Zenez 48:4

Li ti dir mwa: ‘Mo pou donn twa boukou desandan. To pou vinn anset enn gran nasion. Mo pou donn to bann desandan sa pei la pou touzour.’”

Zenez 49:25

Bondie to papa pou protez twa. Bondie Toupwisan pou beni twa. Li ava donn twa benediksion lapli ki sorti lao dan lesiel, ek dilo lasours ki sorti anba later. Li pou donn twa boukou zanfan, e to bann troupo pou ogmante boukou.

Zenez 9:1

Bondie beni Noe ek so bann garson, e li dir zot: “Fer zanfan, ogmante e ranpli later.

Psom 127:1

Si LESEGNER pa konstrir enn lakaz, travay artizan tourn dan vid; si LESEGNER pa okip sekirite so lavil, bann santinel pou fer senntri dan vid.

Psom 127:3

Enn zanfan li enn kado LESEGNER; bann zanfan zot enn benediksion.

Rit 2:4

Plitar dan lazourne, Boaz sorti Betleem e li vinn dan karo. Li dir so bann travayer: “LESEGNER avek zot.” Bannla reponn: “LESEGNER beni twa.”