Zenez 26:3 - Kreol Morisyen OT Portions

³ Res laba kouma enn etranze. Mo pou avek twa, e mo pou beni twa. Mo pou donn twa ek to bann desandan tou sa later la. Samem mo ti promet to papa Abraam; mo pou respekte mo promes.

Zenez 26:3 ပူးပေါင်းရင်းမြစ်များ

Zenez 12:7

Enn zour, LESEGNER aparet avek Abram, e dir li: “Mo pou donn to bann desandan sa pei la.” Abram aranz enn lotel pou LESEGNER dan sa landrwa la, parski labamem LESEGNER finn aparet avek li.

Zenez 13:15

Mo pou donn twa ek to bann desandan tou sa bann pei la pou touzour.

Zenez 13:17

Leve, al admir sa Pei la an-longer e an-larzer. Mo pe donn twa tousala.”

Zenez 15:18

Sa zour la, LESEGNER fer enn lalians avek Abram. Li dir li: “Mo pou donn to bann desandan sa pei la antie, depi larivier Lezip ziska gran larivier Efrat.

Zenez 17:19

Bondie dir: “Non, to fam Sara pou donn twa enn garson. To pou apel li Izaak. Mo pou etabli mo lalians avek li e avek so bann desandan apre li. Mo lalians pou dire pou touzour.

Zenez 17:8

Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”

Zenez 20:1

Abraam kit landrwa kot li pe reste, e li al dan direksion dezer Negev. Li res inpe letan ant Kades ek Sour. Apre sa li al res Gerar kouma enn etranze.

Zenez 25:11

Bondie beni Izaak apre lamor so papa Abraam. Izaak al res pre kot pwi Lahai-Roi.

Zenez 26:12

Sa mem lane la, Izaak koumans plante dan sa pei la. LESEGNER beni li e li rekolte 100 fwa plis ki seki li seme.

Zenez 26:14

Li ena boukou troupo zanimo, ek boukou serviter ek servant. Alor, bann Filistin zalou li.

Zenez 26:24

Sa swar la, LESEGNER aparet avek li e dir li: “Momem Bondie to papa Abraam. Pa bizin to per. Mo pou avek twa e mo pou beni twa. Mo pou donn twa boukou desandan akoz mo serviter Abraam.”

Zenez 28:13

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Zenez 28:15

Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”

Zenez 31:3

Alor, LESEGNER dir Zakob: “Retourn dan pei to bann anset, parmi to bann fami. Mwa, mo pou avek twa.”

Zenez 35:12

Pei ki mo ti donn Abraam ek Izaak, mo donn twa li. Plitar, apre twa, mo pou donn to bann desandan pei la.”

Zenez 39:2

LESEGNER avek Zozef, e li reysi dan tou seki li fer. So met fer li res dan so prop lakaz.

Zenez 39:21

LESEGNER avek Zozef e li montre li so gran lamour. Li fer li gagn faver sef gard prizon.

Zenez 48:21

Apre sa, li dir Zozef: “Mo ler pre pou arive. Me Bondie pou avek zot. Li pou fer zot retourn dan pei mo bann anset.

Zenez 50:24

Avan so lamor, Zozef dir so bann frer: “Mo zour pre pou arive. Me Bondie pou ed zot. Li pou fer zot sorti dan Lezip. Li pou retourn zot dan pei ki li ti promet Abraam, Izaak, ek Zakob.

Psom 105:8

Zame li pa finn bliye so lalians ki pou dire eternelman; so promes tini zenerasion apre zenerasion.

Psom 105:9

Li pou onor aranzman ki li ti fer ar Abraam; promes li ti fer ar Izaak.

Psom 32:8

Mo pou ansegn twa e montre twa ki sime bizin pran; Mo pou gid twa e konsey twa.

Psom 39:12

Ekout mo lapriyer, SEGNER; tann mo douler kriye; vinn ed enn malere ki pe soufer. Kouma tou mo bann anset, mo enn etranze, mo vizit kot twa li bien kourt.

Izai 43:2

Si to travers lamer, mo pou avek twa, e bann larivier napa pou nway twa. Ler to pou pas dan dife, to pa pou brile, e laflam pa pou bril twa.

Izai 43:5

Napa gagn per, parski mo avek twa. Mo pou fer to bann desandan revinn depi les, depi lwes mo pou rasanble zot.