Zenez 22:18 - Kreol Morisyen OT Portions

¹⁸ To finn obeir mwa. Akoz sa, tou bann nasion lor later pou gagn benediksion atraver to bann desandan.”

Zenez 22:18 ပူးပေါင်းရင်းမြစ်များ

Zenez 12:2

Mo pou fer twa vinn papa enn gran nasion, e mo pou beni twa. To nom pou respekte partou. E to pou enn benediksion pou lezot.

Zenez 12:3

Mo pou beni dimoun ki pou beni twa, me mo pou modi dimoun ki pou modi twa. Atraver twa, mo pou beni tou bann fami lor later.”

Zenez 18:18

Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion.

Zenez 18:19

Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”

Zenez 22:10

Apre sa, Abraam pran so kouto pou egorz so garson.

Zenez 22:3

Abraam leve boner gramatin e li koup dibwa pou sakrifis. Li prepar so bourik pou vwayaz. Lerla li pran larout avek so garson Izaak ek de serviter. Li al dan landrwa ki Bondie finn dir li.

Zenez 28:14

Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan.

Psom 72:17

Fer ki lerwa so nom res dan nou memwar; fer ki so repitasion dire osi lontan ki lalimier soley. Tou bann pep pou konn benediksion par li, e zot pou deklar li bienere.