Zenez 17:6 - Kreol Morisyen OT Portions

⁶ Mo pou donn twa boukou desandan. Zot pou form boukou nasion. Ena mem ki pou vinn lerwa parmi to bann desandan.

Zenez 17:6 ပူးပေါင်းရင်းမြစ်များ

Zenez 13:16

Mo pou donn twa enn gran desandans. Zot pou vinn boukou kouma lapousier later. Parey kouma pa kapav kont lapousier later, pa pou kapav kont to bann desandan.

Zenez 17:16

Mo pou beni li, e li pou donn twa enn garson. Li pou vinn anset enn kantite nasion. Parmi so bann desandan, ena ki pou vinn lerwa bann pep.”

Zenez 17:20

Mo finn tann to lapriyer konsernan Ismael. Mo pou beni li osi, e mo pou donn li boukou zanfan. Li pou ena enn kantite desandan. Li pou vinn papa 12 prins ek anset enn gran nasion.

Zenez 17:4

“Ala mo lalians ki mo etabli avek twa: To pou vinn anset enn kantite nasion.

Zenez 26:22

Izaak al inpe pli lwin pou fouy enn trwaziem pwi. Sann fwa la, personn pa vinn lev lager. Alor Izaak apel sa pwi la Reobot, ki vedir plas lib. Izaak dir: “Asterla, LESEGNER finn fer plas pou nou. Nou pou prospere dan sa pei la.”

Zenez 28:3

Ki Bondie Toupwisan beni twa. Li ava donn twa boukou zanfan. To pou vinn anset enn gran pep.

Zenez 35:11

Bondie dir li: “Momem Bondie Toupwisan, Mo pou donn twa boukou zanfan. To pou vinn anset enn gran nasion, e mem plizir nasion. Pou ena bann lerwa parmi to bann desandan.

Zenez 41:52

Li apel so deziem garson Efraim. Li dir: “Bondie finn donn mwa zanfan dan pei kot mo finn soufer.”

Zenez 47:27

Bann Izraelit pe res dan rezion Gosenn, dan Lezip. Zot vinn propriyeter terin e zot gagn boukou zanfan.

Zenez 48:3

Li dir Zozef: “Bondie Toupwisan ti aparet avek mwa dan Louz, dan pei Kanaan. Li ti beni mwa.

Zenez 48:4

Li ti dir mwa: ‘Mo pou donn twa boukou desandan. To pou vinn anset enn gran nasion. Mo pou donn to bann desandan sa pei la pou touzour.’”