Zenez 13:7 - Kreol Morisyen OT Portions

⁷ Bagar eklate ant bann berze Abram ek bann berze Lot. Anplis, bann Kananeen ek bann Perizit ankor pe res laba.

Zenez 13:7 ပူးပေါင်းရင်းမြစ်များ

Zenez 10:19

Zot teritwar pran depi Sidon, Gerar, ziska Gaza, e depi Sodom, Gomor, Adma ek Seboim, ziska Lesa.

Zenez 12:6

Abram kontign travers pei la ziska ki li ariv kot gran pie More, dan Sikem. Sa lepok la, bann Kananeen ankor pe res laba.

Zenez 21:25

Abraam fer enn konplint avek Abimelek. Bann zom Abimelek ti finn pran enn so bann pwi par lafors.

Zenez 26:20

Ler bann berze Gerar trouv sa, zot vinn lev diskision ar bann berze Izaak. Zot dir: “Nou dilo sa.” Akoz sa bann diskision la, Izaak apel sa pwi la Esek, ki vedir dispit.

Zenez 34:30

Kan bannla retourn kot zot, Zakob dir Simeon ek Levi: “Ki zot finn fer? Zot finn met mwa dan problem. Aster, bann abitan dan sa rezion la, bann Kananeen ek bann Perizit pou deteste mwa. Zot pou fer lalians e zot pou vinn atak mwa. Zot pou fini mwa ek tou mo fami, parski nou pena boukou zom.”

Zenez 46:34

Zot bizin reponn: ‘Nou, to bann serviter, finn okip zanimo depi nou zenes ziska asterla. Parey kouma nou bann anset ti fer avan nou.’ Lerla, li pou permet zot res dan rezion Gosenn, parski bann Ezipsien pa kontan bann elver mouton ek kabri.”

Proverb 20:3

Ninport ki fezer kapav lev lager; me li enn loner pou dimoun ki konn evit lager.