Zenez 12:7 - Kreol Morisyen OT Portions

⁷ Enn zour, LESEGNER aparet avek Abram, e dir li: “Mo pou donn to bann desandan sa pei la.” Abram aranz enn lotel pou LESEGNER dan sa landrwa la, parski labamem LESEGNER finn aparet avek li.

Zenez 12:7 ပူးပေါင်းရင်းမြစ်များ

Zenez 12:8

Lerla li al dan direksion bann montagn ki trouv dan les Betel. Li dres so latant ant Betel ek Ai. Laba, li aranz enn lotel pou LESEGNER. Li invok LESEGNER par so nom.

Zenez 13:15

Mo pou donn twa ek to bann desandan tou sa bann pei la pou touzour.

Zenez 13:17

Leve, al admir sa Pei la an-longer e an-larzer. Mo pe donn twa tousala.”

Zenez 13:18

Abram dekanpe e li al plant so latant pre kot bann gran pie Mamre, ki trouv dan Ebron. Abram aranz enn lotel pou LESEGNER laba.

Zenez 13:4

Labamem ki li ti aranz enn lotel e ti invok nom LESEGNER.

Zenez 15:18

Sa zour la, LESEGNER fer enn lalians avek Abram. Li dir li: “Mo pou donn to bann desandan sa pei la antie, depi larivier Lezip ziska gran larivier Efrat.

Zenez 17:1

Kan Abram ena 99 an, LESEGNER aparet avek li ankor enn fwa e dir li: “Momem Bondie Toupwisan. Mars dan mo prezans e res touzour san repros.

Zenez 17:3

Abram prosterne ziska so figir tous later. Lerla Bondie dir li:

Zenez 17:8

Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”

Zenez 18:1

LESEGNER aparet avek Abraam kot bann gran pie Mamre. Soley midi pe tap for, e Abraam pe asize dan lantre so latant.

Zenez 22:9

Kan zot ariv dan landrwa ki Bondie ti dir li, Abraam aranz enn lotel, e li plas dibwa lor lotel la. Lerla, li atas so garson Izaak e li met li alonze lor dibwa la.

Zenez 24:7

LESEGNER, Bondie ki dan lesiel, finn fer mwa kit lakaz mo papa ek mo pei natal. Li finn koz avek mwa. Li finn promet mwa ki li pou donn mo bann desandan sa pei la. Li pou avoy so anz divan twa. To pou reysi amenn enn fam pou mo garson.

Zenez 26:25

Alor, Izaak aranz enn lotel laba e li invok nom LESEGNER. Li dres so latant laba e so bann serviter fouy enn pwi.

Zenez 26:3

Res laba kouma enn etranze. Mo pou avek twa, e mo pou beni twa. Mo pou donn twa ek to bann desandan tou sa later la. Samem mo ti promet to papa Abraam; mo pou respekte mo promes.

Zenez 28:13

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Zenez 28:4

Li ava beni twa ek to bann desandan parey kouma li ti beni Abraam. Li ti promet Abraam sa pei la. Zordi, nou pe viv isi kouma bann etranze. Me enn zour, twa ki pou erit sa pei la.”

Zenez 32:30

Lerla, Zakob dir li: “Silteple, dir mwa kouma to apele.” Li dir Zakob: “Kifer to dimann mwa mo nom?” Lerla li beni Zakob.

Zenez 33:20

Li aranz enn lotel dan sa landrwa la e li apel li El-Elohe-Israel.

Zenez 35:12

Pei ki mo ti donn Abraam ek Izaak, mo donn twa li. Plitar, apre twa, mo pou donn to bann desandan pei la.”

Zenez 35:7

Li aranz enn lotel laba. Li apel sa plas la El-Betel, ki vedir Bondie Betel. Labamem, Bondie ti aparet avek li kan li ti pe sove akoz so frer.

Zenez 50:24

Avan so lamor, Zozef dir so bann frer: “Mo zour pre pou arive. Me Bondie pou ed zot. Li pou fer zot sorti dan Lezip. Li pou retourn zot dan pei ki li ti promet Abraam, Izaak, ek Zakob.

Zenez 8:20

Noe aranz enn lotel pou LESEGNER. Li pran enn zanimo ek enn zwazo parmi sak lespes ki ti pir. Li ofer zot kouma enn sakrifis lor lotel.