Zenez 12:3 - Kreol Morisyen OT Portions

³ Mo pou beni dimoun ki pou beni twa, me mo pou modi dimoun ki pou modi twa. Atraver twa, mo pou beni tou bann fami lor later.”

Zenez 12:3 ပူးပေါင်းရင်းမြစ်များ

Zenez 18:18

Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion.

Zenez 18:19

Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”

Zenez 22:18

To finn obeir mwa. Akoz sa, tou bann nasion lor later pou gagn benediksion atraver to bann desandan.”

Zenez 24:35

LESEGNER finn beni mo met boukou e li finn fer li vinn bien ris. Li finn donn li boukou troupo zanimo, larzan ek lor, samo ek bourik, serviter ek servant.

Zenez 25:11

Bondie beni Izaak apre lamor so papa Abraam. Izaak al res pre kot pwi Lahai-Roi.

Zenez 26:29

Promet ki to pa pou fer nou ditor. Nou osi nou pa finn fer twa ditor. Okontrer, nou finn tret twa bien, e nou finn les twa al anpe. Asterla, LESEGNER pe beni twa boukou.”

Zenez 26:4

To bann desandan pou vinn boukou, kouma bann zetwal dan lesiel. Tou sa later la pou vinn pou zot. Tou bann nasion lor later pou gagn benediksion atraver zot,

Zenez 27:29

Bann nasion ava servi twa, bann pep ava kourbe divan twa. To pou enn sef parmi to bann frer, zot pou prostern divan twa. Seki modi twa pou gagn malediksion, seki beni twa pou gagn benediksion!”

Zenez 28:14

Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan.

Zenez 30:27

Me Laban dir li: “Ekout mwa, silteple! Mo finn trouve ki grasa twa, LESEGNER finn beni mwa.

Zenez 30:30

Avan mo ti vinn kot twa, to pa ti ena boukou kitsoz. Asterla, to dibien finn bien ogmante. LESEGNER finn beni twa depi ki mo finn vinn kot twa. To pa panse finn ler pou mo travay pou mo prop fami asterla?”

Zenez 39:5

Depi sa, LESEGNER beni Potifar e li prospere akoz Zozef. Benediksion LESEGNER lor tou seki li posede, dan so lakaz kouma dan so plantasion.

Psom 72:17

Fer ki lerwa so nom res dan nou memwar; fer ki so repitasion dire osi lontan ki lalimier soley. Tou bann pep pou konn benediksion par li, e zot pou deklar li bienere.