Zenez 12:2 - Kreol Morisyen OT Portions

² Mo pou fer twa vinn papa enn gran nasion, e mo pou beni twa. To nom pou respekte partou. E to pou enn benediksion pou lezot.

Zenez 12:2 ပူးပေါင်းရင်းမြစ်များ

Zenez 13:16

Mo pou donn twa enn gran desandans. Zot pou vinn boukou kouma lapousier later. Parey kouma pa kapav kont lapousier later, pa pou kapav kont to bann desandan.

Zenez 15:5

Li fer Abram sorti deor e li dir li: “Lev to lizie lao, e get lesiel. Kont bann zetwal si to kapav. To bann desandan pou vinn boukou kouma bann zetwal dan lesiel.”

Zenez 17:20

Mo finn tann to lapriyer konsernan Ismael. Mo pou beni li osi, e mo pou donn li boukou zanfan. Li pou ena enn kantite desandan. Li pou vinn papa 12 prins ek anset enn gran nasion.

Zenez 18:18

Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion.

Zenez 18:19

Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”

Zenez 19:29

Kan Bondie desid pou detrir bann lavil dan sa rezion la, Lot ti pe res laba. Me Bondie pa finn bliye promes ki li ti fer Abraam. Akoz sa, li sov Lot dan sa maler la; li epargn so lavi.

Zenez 24:1

Abraam finn vinn bien vie. LESEGNER finn beni li boukou, e li finn reysi dan tou kitsoz.

Zenez 24:35

LESEGNER finn beni mo met boukou e li finn fer li vinn bien ris. Li finn donn li boukou troupo zanimo, larzan ek lor, samo ek bourik, serviter ek servant.

Zenez 25:11

Bondie beni Izaak apre lamor so papa Abraam. Izaak al res pre kot pwi Lahai-Roi.

Zenez 26:3

Res laba kouma enn etranze. Mo pou avek twa, e mo pou beni twa. Mo pou donn twa ek to bann desandan tou sa later la. Samem mo ti promet to papa Abraam; mo pou respekte mo promes.

Zenez 26:4

To bann desandan pou vinn boukou, kouma bann zetwal dan lesiel. Tou sa later la pou vinn pou zot. Tou bann nasion lor later pou gagn benediksion atraver zot,

Zenez 27:29

Bann nasion ava servi twa, bann pep ava kourbe divan twa. To pou enn sef parmi to bann frer, zot pou prostern divan twa. Seki modi twa pou gagn malediksion, seki beni twa pou gagn benediksion!”

Zenez 28:14

Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan.

Zenez 35:11

Bondie dir li: “Momem Bondie Toupwisan, Mo pou donn twa boukou zanfan. To pou vinn anset enn gran nasion, e mem plizir nasion. Pou ena bann lerwa parmi to bann desandan.

Zenez 46:3

Bondie dir li: “Momem Bondie, Bondie to papa. Pa bizin per pou al Lezip. Mo pou fer to bann desandan vinn enn gran pep laba.

Psom 107:38

Li ti beni so pep e ti fer zot gagn boukou zanfan; anplis li ti anpes zot troupo zanimo diminie.

Izai 51:2

Get Abraam zot papa ek Sara ki finn met zot lor sa later la; parski li ti tousel kan mo finn apel li, mo finn beni li, e mo finn donn li boukou desandan.