Rit 4:11 - Kreol Morisyen OT Portions

¹¹ Ler Boaz fini koze, tou bann ki la dir: “Wi, nou tou temwin. LESEGNER ava beni sa fam ki pe rant dan to lakaz la. Li ava kouma Rasel ek Lea, bann fam Zakob, ki finn donn nesans pep Izrael. To rises ava ogmante dan klan Efrata, e to nom ava vinn renome dan Betleem.

Rit 4:11 ပူးပေါင်းရင်းမြစ်များ

Zenez 23:10

Efron lamem parmi bann Itit. Zot finn zwenn avek Abraam kot laport lavil. Lerla Efron reponn Abraam divan tou bann Itit.

Zenez 24:60

Avan Rebeka ale, lafami beni li ek sa bann parol la: “Twa, nou ti-ser, To pou vinn anset boukou dimoun. To bann desandan ava pran lavil zot bann lennmi.”

Zenez 29:16

Laban ena de tifi. Premie la apel Lea, e deziem la Rasel.

Zenez 29:25

Landime gramatin, Zakob gagn sok kan li trouv Lea dan so lili. Lerla, li dir Laban: “Kifer to finn fer sa ar mwa? Mo finn travay pou twa set an pou mo gagn Rasel. Alor, kifer to finn trik mwa?”

Zenez 29:32

Alor, Lea tom ansint e li gagn enn garson. Li apel li Riben, ki vedir trouve. Lea dir : “LESEGNER finn trouv mo soufrans. Asterla, mo mari pou kontan mwa.”

Zenez 35:23

Zakob ena 12 garson. Avek Lea li finn gagn sis garson: Riben, so premie-ne, Simeon, Levi, Zida, Isakar, ek Zabilon.

Zenez 35:24

Rasel finn donn li de garson: Zozef ek Benzamin.

Psom 132:6

Dan Betleem nou tann koz Kofre ki ti kontenir Lalians, nou ti retrouv li dan laplenn Yaar.

Proverb 14:1

Enn fam ki saz pran swin so fami; me enn fam bet detrir li ar so prop lame.

Proverb 31:23

So mari ena bon repitasion e li sieze parmi bann lider dan pei.

Rit 1:2

Misie la apel Elimelek e so fam apel Naomi. Zot de garson apel Malonn ek Kilionn. Zot fer parti klan Efrata. Kan zot ariv dan pei Moab, zot etabli laba.