Rit 2:4 - Kreol Morisyen OT Portions

⁴ Plitar dan lazourne, Boaz sorti Betleem e li vinn dan karo. Li dir so bann travayer: “LESEGNER avek zot.” Bannla reponn: “LESEGNER beni twa.”

Rit 2:4 ပူးပေါင်းရင်းမြစ်များ

Zenez 18:19

Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”

Zenez 28:3

Ki Bondie Toupwisan beni twa. Li ava donn twa boukou zanfan. To pou vinn anset enn gran pep.

Psom 118:26

Ki Bondie beni seki rant isi dan nom LESEGNER. Depi dan so Tanp, nou partaz so benediksion ar zot.

Psom 134:3

Ki LESEGNER ki finn kree later ek lesiel, beni twa depi Sion.

Rit 2:3

Vremem, Rit al dan enn karo. Li ramas bann zepi ki bann travayer pe kit deryer. Li pa kone si sa karo la pou Boaz, fami Elimelek.

Rit 2:5

Letan Boaz trouv Rit, li dimann formenn ki ansarz bann travayer: “Kisannla sa zenn fam la?”

Rit 4:11

Ler Boaz fini koze, tou bann ki la dir: “Wi, nou tou temwin. LESEGNER ava beni sa fam ki pe rant dan to lakaz la. Li ava kouma Rasel ek Lea, bann fam Zakob, ki finn donn nesans pep Izrael. To rises ava ogmante dan klan Efrata, e to nom ava vinn renome dan Betleem.