Rit 2:10 - Kreol Morisyen OT Portions

¹⁰ Letan Rit tann sa, li prostern li divan Boaz ziska ki so figir tous later. Lerla li dir: “Kifer to bon koumsa avek mwa alor ki mo enn etranze?”

Rit 2:10 ပူးပေါင်းရင်းမြစ်များ

Zenez 18:2

Li lev lizie e li trouv trwa zom pe diboute pre kot li. Deswit, li galoupe depi dan lantre so latant e li al zwenn zot. Li prostern divan zot ziska so figir tous later.

Rit 2:11

Boaz dir li: “Dimoun finn rakont mwa tou seki to finn fer pou to belmer depi lamor to mari. To finn kit to papa ek to mama ek later kot to finn ne. To finn aksepte pou viv parmi enn pep ki to pa ti kone avan.

Rit 2:13

Rit dir Boaz: “To finn ena enn gran bonte pou mwa, Met. To bann bon parol rekonfort mo leker. Dedir mo pa mem enn to bann servant.”

Rit 2:19

Naomi dimann li: “Kot to finn gagn tousala? Dan ki karo to finn ramas tou sa lorz la? Bondie ava beni sa dimoun ki finn bon anver twa la.” Lerla Rit rakont so belmer e li dir li: “Mo finn ramas dible dan karo enn misie ki apel Boaz.”

Rit 2:2

Enn zour, Rit ki enn Moabit, dir so belmer Naomi: “Les mo al dan karo. Kikfwa mo kapav gagn sans zwenn kikenn ki ava permet mwa ramas zepi lorz ki bann travayer kit deryer zot”. Naomi dir li: “Ale mo tifi.”

Rit 2:9

Get bien ki kote bannla pe rekolte e swiv zot. Mo finn donn lord mo bann zom pou les twa trankil. Si to swaf, al pran dilo dan barik ki mo bann serviter finn ranpli.”