Psom 57:4 - Kreol Morisyen OT Portions

⁴ Kouma lion feros mo ennmi finn antour mwa; mo antoure ar zanimo sovaz; zot ledan fite kouma zarm destriksion; zot lalang fite kouma razwar.

Nouvo Testaman Kreol Morisien Harmonisation NTPS KM

⁴ Kouma lion feros mo lennmi finn antour mwa; mo antoure ar zanimo sovaz; zot ledan fite kouma zarm destriksion; zot lalang fite kouma razwar.

Psom 57:4 ပူးပေါင်းရင်းမြစ်များ

Psom 10:9

li res dan kasiet parey enn lion, li vey so ler pou atake; li ris bann pov, li trenn zot dan so piez.

Psom 35:17

Komie letan ankor to pou les zot fer mwa mizer? Defann mwa e sov mo lavi; aras mo lavi dan grif lion.

Psom 43:3

Avoy to lalimier ek to laverite; fer zot gid mwa lor sime ki amenn nou ver Sion, montagn sakre, e dan to Tanp kot to reste.

Psom 52:2

To tir plan pou fer ditor; to lalang fite kouma razwar. To invant koze fos

Psom 55:21

So parol ti dou kouma dimiel me ti ena fiel dan so leker pou lager. So parol ki ti paret kouma lapomad ti anverite enn kouto ki bien fite.

Psom 58:6

Bondie, grenn zot ledan, aras krok bann zenn lion, O SEGNER;

Psom 59:7

Tann zot zoure! Tann zot menase! Zot lalang kouma razwar; zot krwar personn pa tande.

Psom 64:3

Zot fit zot lalang kouma razwar e zot langaz blesan li kouma fles ki touye.

Proverb 12:18

Parol anler fer dimal kouma lepe; me parol reflesi amenn gerizon ek lape.

Proverb 25:18

Si to akiz to prosin pou nanye, koumadir to pe atak li ar baton, fles ek lepe.

Proverb 28:15

Enn move dirizan ki fer dominer ar lepep malere, li kouma enn zanimo feros anraze.

Proverb 30:14

Ena dimoun, koumadir zot ena ledan rekin, ouswa ledan enn zanimo feros. Telman zot dominer, zot oule devor tou bann pov; zot oule fini tou bann malere.