Psom 32:1 - Kreol Morisyen OT Portions

¹ Bienere sa dimoun ki so ofans efase, ki so pese pardone!

Nouvo Testaman Kreol Morisien Harmonisation NTPS KM

¹ Bienere sa dimounn ki so ofans efase, ki so pese pardone!

Psom 32:1 ပူးပေါင်းရင်းမြစ်များ

Psom 103:3

Li pardonn tou to pese; geri to maladi.

Psom 106:3

Bienere dimoun ki obzerv lazistis, ki pratik drwatir touletan.

Psom 128:1

Bienere tou dimoun ki ena respe pou LESEGNER, bann ki swiv sime li finn trase.

Psom 40:4

Bienere bann ki fer konfians LESEGNER, zot ki rezet idolatri ou ki refiz swiv bann fos bondie.

Psom 42:1

Parey kouma serf rod dilo kler larivier, mwa mo rod to prezans, mo Bondie.

Psom 45:1

Mo leker deborde ar zoli parol ler mo konpoz sa poem la pou mo lerwa. Parol poetik koule kouma lank dan plim enn ekrivin ki konn so metie.

Psom 52:1

Kifer to fer vantar, gran misie? Enn zourne to vantar mem lor bann mesanste.

Psom 53:1

Bann inbesil panse dan zot leker, “Pou mwa, peyna Bondie!” Zot koronpi; zot fer bann krim orib; peyna enn osi ki fer dibien.

Psom 55:1

Bondie, ekout mo lapriyer! Pa tourn ledo ar mo siplikasion!

Psom 84:12

SEGNER Toupwisan, nou leker ranpli ar lazwa parski nou finn met nou konfians an twa.

Psom 85:2

To finn deza pardonn pese to pep, to finn efas tou zot bann fot.

Psom 89:15

Bienere bann ki priye twa ar zoli sante; bann ki viv dan lalimier to prezans, SEGNER.

Izai 1:18

LESEGNER pe dir: “Vini, anou koze. Mem si zot pese kouler disan, li pou vinn blan kouma dile. Si zot ti rouz, kouma fler banane, zot pou vinn kouma lalenn.

Izai 43:25

Momem sa, momem ki efas to bann krim akoz seki mo ete. Mo napa pou rapel to bann pese.

Izai 44:22

Mo finn efas to bann revolt kouma enn niaz e to bann pese kouma laroze. Revinn ar mwa, parski mo finn liber twa.