Psom 28:3 - Kreol Morisyen OT Portions

³ Pa met mwa dan mem pagne ar move dimoun ki viv dan lemal, bann ki ena disik dan labous me fiel dan leker.

Nouvo Testaman Kreol Morisien Harmonisation NTPS KM

³ Pa met mwa dan mem panie ar move dimounn ki viv dan lemal, bann ki ena disik dan labous me fiel dan leker.

Psom 28:3 ပူးပေါင်းရင်းမြစ်များ

Psom 10:14

Tousa pa vre! To bien trouv tou. To kone ena problem ek soufrans e to pran tou dan to lame. Bann ki feb ek san defans zot remet zotmem dan to lame. To finn toultan vinn osekour orfelin.

Psom 10:7

So labous ranpli ar malediksion; li modi, li koz manti, li menase; anba so lalang ena parol blesan ek mesanste.

Psom 12:2

Dimoun partou nek koz manti; zot flate ar doub langaz pou tronp zot prosin.

Psom 141:4

Ed mwa pou reziste tantasion lemal, pou pa pran par dan move pratik ansam ar move dimoun; alor mo pa pou partisip dan zot fet.

Psom 26:9

Pa tret mwa parey dimoun ki dan pese; pa pran mo lavi kouma pran lavi bann kriminel;

Psom 36:4

Li tir plan pou fer ditor kan li pe alonze lor so lili; li angaz limem pou swiv move sime, li pa rezet lemal.

Psom 52:1

Kifer to fer vantar, gran misie? Enn zourne to vantar mem lor bann mesanste.

Psom 55:21

So parol ti dou kouma dimiel me ti ena fiel dan so leker pou lager. So parol ki ti paret kouma lapomad ti anverite enn kouto ki bien fite.

Psom 62:4

Zot anvi zet li depi so plas doner kot li finn asize; zot kontan invant koze mansonz; ar zot labous zot donn benediksion, dan fon zot leker nek ena malediksion.

Psom 7:14

Gete kouma move dimoun akous lemal; zot met ba dezord e fer lelvaz desepsion.