Psom 25:2 - Kreol Morisyen OT Portions

² Mo Bondie, mo met mo konfians an twa. Pa les mwa gagn laont; pa les mo ennmi gagn laviktwar lor mwa.

Nouvo Testaman Kreol Morisien Harmonisation NTPS KM

² Mo Bondie, mo met mo konfians an twa. Pa les mwa gagn laont; pa les mo lennmi gagn laviktwar lor mwa.

Psom 25:2 ပူးပေါင်းရင်းမြစ်များ

Psom 13:5

Mwa mo fer konfians to gran lamour fidel pou mwa; mo leker ranpli ar lazwa parski to finn sov mwa.

Psom 142:6

Ekout mo lapriyer dezespwar, akoz mo finn afebli. Protez mwa kont mo ennmi; zot tro for pou mwa.

Psom 18:2

LESEGNER, limem mo sitadel, mo veritab fortres, mo liberater, mo Bondie, sitadel kot mo santi mwa ansekirite, boukliye ki protez mwa, ki defann mwa, ki sov mwa.

Psom 22:1

Bondie, mo Bondie, kifer to finn abandonn mwa? Dan dezespwar mo kriye osekour, me to sekour pa vini.

Psom 22:5

Zot ti sipliy twa vinn ed zot, e to ti sov zot; zot lafwa ti dan twa e zame zot ti regrete.

Psom 22:8

Zot dir, “Get li! Li fer konfians LESEGNER! Kifer to Bondie pa vinn delivre twa? Si li kontan twa kifer li pa vinn ed twa?”

Psom 31:1

Mo vinn ver twa, SEGNER, pou dimann proteksion; pa les mwa tom dan laont; dan to fidelite, delivre mwa.

Psom 31:15

Mo bann zour dan to lame; protez mwa kont mo ennmi; ed mwa kont seki pe persekit mwa.

Psom 31:2

Ekout mo lapriyer; vinn sekourir mwa vit. Tomem sitadel ki protez mwa; tomem fortres ki sov mwa.

Psom 34:8

Goute e gete konbien LESEGNER li bon. Bienere bann ki swazir so proteksion.

Psom 37:40

Li ed zot, li delivre zot. Li delivre zot dan grif bann ki fer lemal, li sov zot, parski zot finn al rod sekour kot li.

Psom 41:11

Mo kone ki to ena afeksion pou mwa, parski mo ennmi pa finn gagn viktwar lor mwa.

Psom 56:1

Pran pitie, O mo Bondie, dimoun pe pourswiv mwa; toulezour mo ennmi pe atake, pe kraz mwa;

Psom 7:1

SEGNER mo Bondie, mo vinn ver twa pou gagn to proteksion; bann persekiter pe pourswiv mwa; sov mwa, delivre mwa.

Psom 71:1

SEGNER, mo finn vinn ver twa pou gagn to proteksion; pa les mwa zame konn laont.

Psom 91:2

li kapav dir LESEGNER, “Tomem mo labri ek mo fortres. Tomem mo Bondie ki mo fer konfians.”

Psom 94:3

O SEGNER, komie letan ankor bann azan lemal, komie letan ankor bann azan lemal pou fer zot fanor?

Izai 26:3

Seki tini ferm, to garanti li lape, parski li finn met so konfians dan twa.

Izai 28:16

Akoz samem LESEGNER Bondie pe dir: “Ala mo pou poz enn ros dan Sion, enn ros granit, ros lankonir, ki ena boukou valer, ros fondasion solid: seki fer li konfians napa pou tonbe.

Izai 37:10

“Al dir Ezekias, lerwa Zida: Pa les to Bondie, dan ki to met to konfians, tronp twa kan li dir: Zerizalem pa pou tom dan lame lerwa Lasiri.

Izai 37:20

Me aster, SEGNER nou Bondie, fer nou sap dan so lame, mo sipliye twa. Fer ki tou bann rwayom lor later kone ki to tousel Bondie, SEGNER.”

Izai 37:35

Mo pou protez sa lavil-la, e mo pou sov li akoz bann promes ki mo ti fer mo serviter David.”

Izai 41:16

To pou voltiz zot e divan pou sarye zot. Siklonn pou fann zot partou. Twa, to pou trouv to lazwa dan LESEGNER, to pou glorifie Bondie Sin Izrael.

Izai 49:23

Bann lerwa pou to bann papa adoptif, e bann prinses, to bann nouris. Lor later, zot pou prostern divan twa, zot pou les lapousier anba to lipie. E to pou kone ki momem LESEGNER. Bann ki esper dan mwa napa pou regrete.