Psom 19:9 - Kreol Morisyen OT Portions

⁹ Respe pou LESEGNER li bien bon, li valab pou toultan. Zizman ki LESEGNER rande li vre, e zot touzour zis.

Nouvo Testaman Kreol Morisien Harmonisation NTPS KM

⁹ Respe pou LESEGNER li bien bon, li valab pou touletan. Zizman ki LESEGNER rande li vre, e zot touzour zis.

Psom 19:9 ပူးပေါင်းရင်းမြစ်များ

Zenez 22:12

Anz la dir li: “Pa lev to lame lor sa zanfan la. Pa fer li dimal. Asterla mo kone ki vremem to respekte Bondie. To pa finn refiz mwa to garson, to sel garson.”

Zenez 42:18

Lor trwaziem zour, Zozef dir zot: “Mo ena boukou respe pou Bondie. Mo pou donn zot enn sans pou viv, me zot bizin fer tou seki mo dir zot.

Psom 10:5

Move dimoun reysi tou saki li fer. Li pa konpran lazistis divinn, sa tro lwin pou li e li mepriz so ennmi.

Psom 111:10

Rekonet lotorite LESEGNER samem komansman lasazes; tou seki pratik sa, montre zot ena bon zizman. Louanz LESEGNER li pou eternel.

Psom 115:13

Li pou beni tou dimoun ki respekte li, ti-dimoun kouma grandimoun.

Psom 119:1

Bienere bann ki amenn enn lavi san repros, ki viv dapre lalwa LESEGNER.

Psom 119:106

Mo fer serman mo pou onor mo promes pou obeyir to bann instriksion ki baze lor drwatir.

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

Psom 119:142

To drwatir li eternel e to lalwa li laverite pou tou letan.

Psom 119:39

Protez mwa kont insilt ki teroriz mwa; parski sazes to zizman li bon.

Psom 119:62

Omilie lanwit mo leve pou selebre twa pou to zizman ki drwat.

Psom 119:7

Ler mo konn apresie valer to regleman ki zis, mo pou rann glwar to grander ar sinserite.

Psom 119:75

Mo kone ki to bann zizman zot baze lor drwatir, SEGNER, e to ti ena rezon pou imilie mwa dan to fidelite.

Psom 12:7

Twa, SEGNER, to gard to parol, protez nou touzour kont sa kalite move dimoun la.

Psom 147:19

Li fer Zakob konn so parol, li dikte so regleman e donn so komandman lepep Izrael.

Psom 36:1

Dan mo leker mo mazinn koze move dimoun ki dir, “Mo pa trouve kifer bizin tranble divan Bondie. “

Psom 36:6

To drwatir li pli ot ki montagn pli ot; to lazistis gran ek profon kouma losean. SEGNER, to prezerv dimoun ek zanimo.

Proverb 8:13

Kan nou respekte LESEGNER, nou deteste lemal. Mwa, lasazes, mo deteste lorgey ek larogans; mo pa siport lemal ek mansonz.

Izai 26:8

Vremem SEGNER, nou pe esper twa lor sime ki to finn komann nou pou pran. Mo nam pe dezir twa, pe apel twa, pe kriye to nom.

Izai 45:19

Mo pa finn kasiet an finfon enn pei pou mo koze; mo pa finn dir desandan Zakob: “Rod mwa dan vid!” Momem LESEGNER ki proklam lazistis, ki anons bann kiksoz vre.