Psom 146:7 - Kreol Morisyen OT Portions

⁷ ki fer zistis anfaver bann oprime e li nouri tou bann kreatir ki gagn fin. LESEGNER liber bann prizonie,

Nouvo Testaman Kreol Morisien Harmonisation NTPS KM

⁷ ki fer lazistis an faver bann oprime e li nouri tou bann kreatir ki gagn fin. LESEGNER liber bann prizonie,

Psom 146:7 ပူးပေါင်းရင်းမြစ်များ

Psom 10:18

To pou rann zistis an faver bann ki pe gagn kraze kouma orfelin; koumsa bann zans ordiner pou aret sem laterer.

Psom 103:6

LESEGNER zize dan lintere bann ki soufer dominasion e li donn zot zot drwa.

Psom 12:5

LESEGNER dir, “Parski bann pov pe soufer; bann oprime pe plor zot maler, Mwa mo pou leve, mo pou donn zot proteksion ki zot bizin. “

Psom 136:25

Li donn manze tou bann kreatir vivan; so lamour infini li eternel.

Psom 142:7

Tir mwa dan mo prizon pou mo loue to grander. Bann ki obeyir Bondie pou rasanble otour mwa parski to finn azir avek bonte anver mwa.

Psom 35:10

Ar lazwa dan leker mo pou dir for-for, “SEGNER, peyna to segon! To anpes seki for fer dominer ar seki feb; To anpes bann ris kraz seki pov.”

Psom 68:6

Bann ki pa ena personn, li donn zot enn fami; li permet prizonie regagn liberte. Me bann ki dan pese pou toultan zwenn tase dan karo brile.

Psom 68:7

Bondie, kan to ti gid to pep to ti mars divan li atraver dezer

Psom 72:4

Montre lerwa kouma pas zizman pou ki bann pov pa soufer; edik li pou ki li ed bann feb e anpes explwater fer dominer.

Psom 9:16

LESEGNER finn revel limem par zizman ki li finn fer; e move dimoun finn tas dan zot prop piez.

Izai 61:1

Lespri LESEGNER lor mwa parski LESEGNER finn konsakre mwa, pou anons bann pov bon nouvel. Li finn anvoy mwa pou geri bann ki zot leker finn kase, pou proklam liberasion pou bann ki dan kaptivite; e liberte pou bann ki dan prizon.

Izai 9:4

Tou bot bann lennmi ki rezone lor later, tou iniform bann solda ki tase ar disan, pou bril zot, dife pou manz zot.