Ester 9:3 - Kreol Morisyen OT Portions

³ Tou ofisie dan bann provins, bann reprezantan lerwa ek bann gouverner, mem bann ofisie rwayal, zot tou dan kote bann Zwif parski zot per Mardose.

Ester 9:3 ပူးပေါင်းရင်းမြစ်များ

Ester 3:12

Lor treziem zour dan premie mwa, konvok tou bann sekreter lakour rwayal. Amann donn zot lord pou ekrir bann let e pou avoy kot bann reprezantan lerwa ek bann gouverner dan tou bann provins. Ekrir osi bann sef tribi dan sak provins. Ekrir zot dan zot prop lekritir ek zot prop langaz. Zot ekrir let la lor nom lerwa Zerses e stanp li ar so bag.

Ester 8:17

Dan sak provins kot lord lerwa ale, ena bel lakontantman parmi bann Zwif. Zot organiz repa ek fet. Anplis, boukou dimoun dan pei dir ki zot Zwif parski zot per ki bannla atak zot.

Ester 8:5

e Ester remet li dibout divan lerwa. Li dir: “Si sa fer lerwa plezir e si mo finn gagn so faver; si li panse ki seki mo pe dir, bon, e ki mo gagn so lakor, fer enn lord ofisiel sorti. Sa lord la pou kennsel tou sa bann let ki Amann, garson Amedata, enn Agazit, ti ekrir pou donn lord touy bann Zwif dan tou so bann provins.

Ester 8:9

Zot konvok bann sekreter lerwa dan trwaziem mwa. Sa mwa la apel Sivann, e sa pase lor so venn-trwaziem zour. Zot ekrir enn lord ki Mardose dikte zot, pou tou bann Zwif, bann fonksioner, gouverner ek gran ofisie bann provins depi Lenn ziska Kous. Ena antou 127 provins, e finn ekrir sakenn dapre so manier ekrir ek so langaz. Bann Zwif osi gagn dekre la dan zot prop lekritir ek langaz.