Ester 9:12 - Kreol Morisyen OT Portions

¹² Lerwa dir ar larenn Ester: “Dan site Siz, bann Zwif finn touy 500 dimoun ek osi dis garson Amann. Ki zot kapav finn fer dan lezot parti bann provins? Ki to dezire aster? Seki to dimande mo pou akord twa. Ki kiksoz to anvi gagne ankor? To dezir pou ekzose.”

Ester 9:12 ပူးပေါင်းရင်းမြစ်များ

Ester 5:3

Lerwa dimann li: “Ki finn arive, larenn Ester? Ki mo kapav fer pou twa? Seki to dimande mo pou donn twa, mem si sa kout mwa lamwatie mo rwayom.”

Ester 5:6

Letan ki zot pe amize, manze-bwar, lerwa dimann Ester: “Ki to ti anvi dimann mwa? Mo pou donn twa tou seki to oule, seki to dimande to pou gagne. Mem si sa kout mwa lamwatie mo rwayom, mo pou fer li pou twa.”

Ester 7:2

Lor deziem zour, letan ki zot pe amize, bwar-manze, lerwa re-dimann Ester: “Ki to oule mo fer pou twa, larenn Ester? Dir mwa to dezir. Mem si to dimann mwa lamwatie mo rwayom, mo pou donn twa.”

Ester 9:11

Sa mem zour la, bann la fer lerwa kone komie dimoun finn mor dan site Siz.

Ester 9:15

Bann Zwif ki dan Siz rasanble ankor enn fwa lor katorziem zour mwa Adar. Zot touy 300 dimoun dan Siz; me zot pa tous dibien bannla.