Ester 8:15 - Kreol Morisyen OT Portions

¹⁵ Mardose sorti kot lerwa avek linz rwayal kouler ble ek blan. Ena enn kouronn lor so latet. Li finn met osi enn manto an-lin kouler mov. Bann abitan Siz exprim zot lazwa.

Ester 8:15 ပူးပေါင်းရင်းမြစ်များ

Zenez 41:42

Faraon tir so bag lerwa dan so ledwa e li met li dan ledwa Zozef. Li fer met bann zoli linz an-lin lor li. Li fer met osi enn kolie lor dan so likou.

Ester 1:6

Ena rido blan avek bann rozet ble ki atase ar bann riban mov an-lin. Sa bann riban la, atase dan bann bag larzan ki fixe lor bann kolonn marb. Ena bann lez lor ek larzan ki kouver enn sali mozaik; marb, perl ek ros kouler.

Ester 10:2

Tou so bann gran aksion pouvwar ek pwisans finn ekrir dan liv arsiv lerwa Medi ek Pers. Zistwar lor ki manier Lerwa finn donn Mardose merit ek promosion, osi finn ekrir dan sa liv la.

Ester 3:15

Bann let la ale vit-vit par lord lerwa ek dekre la pase dan kapital Siz. Amann ek lerwa pe amize, manze-bwar, me bann zabitan Siz dan traka, nepli kone ki pou fer.

Ester 5:1

Apre trwa zour karem, Ester met so rob rwayal. Li rant dan lakour ki trouv andan pale. Lakour la vizavi ar lasal kot ena tronn. Lerwa pe asiz lor so tronn ki vizavi lantre pale.

Ester 5:11

Li koumans flat limem ar zot. Li dir zot ki kantite rises ek komie garson li ena. Li osi dir zot ki manier lerwa finn nomm li pli gran fonksioner lakour rwayal. Sa donn li enn gran loner.

Ester 6:11

Amann ekzekit lord lerwa. Li pran linz ek seval la. Li abiy Mardose e kondir li lor laplas piblik. Li kriye for-for: “Ala kouma Lerwa rekonpans enn dimoun ki li anvi donn loner.”

Ester 6:8

fer amenn linz rwayal ki lerwa finn deza mete. Fer amenn osi enn seval ki lerwa finn deza monte. Met enn kouronn rwayal lor so latet.

Ester 8:14

Bann mesaze degaze mont lor zot seval pou al kit bann let la kouma lerwa finn komande. Finn tir sa dekre la dan kapital Siz.

Proverb 11:10

Kan bon dimoun prospere, lepep selebre; e kan move dimoun mor, lepep dir: “granmersi.”

Proverb 28:12

Kan bon dimoun gagn laviktwar, lepep selebre; kan move dimoun pran pouvwar, lepep prefer kasiet.

Proverb 29:2

Kan bann dimoun drwat opouvwar, lepep ena lazwa dan leker; me kan enn diktater gouverne, lepep pas mizer.