Ester 8:14 - Kreol Morisyen OT Portions

¹⁴ Bann mesaze degaze mont lor zot seval pou al kit bann let la kouma lerwa finn komande. Finn tir sa dekre la dan kapital Siz.

Ester 8:14 ပူးပေါင်းရင်းမြစ်များ

Ester 1:2

Sa lepok la, lerwa Zerses pe siez lor tronn rwayal dan lavil Siz.

Ester 2:3

Les lerwa angaz bann dimoun dan tou bann provins so rwayom. Zot ava rasanble bann zenn vierz dan arem ki trouv dan kapital Siz. Fer Egay okip sa, Parski limem ki ena responsabilite bann fam. Li ava donn zot bann prodwi bote.

Ester 3:13

Lerla, avoy let la dan tou bann provins lerwa Zerses. Donn lord pou detrir, pou touy ek exterminn, dan enn zour, tou bann Zwif; zenn ek vie, fam ek zanfan. Sa tom treziem zour dan douziem mwa, ki apel mwa Adar. Finn osi gagn lord pou fer piyaz ar zot bann dibien.

Ester 3:14

Zot avoy enn kopi sa let la dan sak provins kouma enn dekre ki proklame ki tou bann pep bizin prepar zot pou sa zour la.

Ester 3:15

Bann let la ale vit-vit par lord lerwa ek dekre la pase dan kapital Siz. Amann ek lerwa pe amize, manze-bwar, me bann zabitan Siz dan traka, nepli kone ki pou fer.

Ester 8:13

Zot avoy kopi sa let la dan tou provins pou donn tou dimoun. Let la vinn enn dekre kot bann Zwif bizin prepar zot pou vanz kont zot bann lennmi.

Ester 8:15

Mardose sorti kot lerwa avek linz rwayal kouler ble ek blan. Ena enn kouronn lor so latet. Li finn met osi enn manto an-lin kouler mov. Bann abitan Siz exprim zot lazwa.