Ester 8:11 - Kreol Morisyen OT Portions

¹¹ Dan sa let la, lerwa donn permision bann Zwif pou defann zot lavi. Zot gagn drwa detrir, touye ek exterminn ninport ki dimoun avek zarm dan ninport ki provins ki rod atak zot, zot fam ek zot bann zanfan. Zot gagn drwa osi pou kokin dibien sa bann dimoun la.

Ester 8:11 ပူးပေါင်းရင်းမြစ်များ

Ester 3:13

Lerla, avoy let la dan tou bann provins lerwa Zerses. Donn lord pou detrir, pou touy ek exterminn, dan enn zour, tou bann Zwif; zenn ek vie, fam ek zanfan. Sa tom treziem zour dan douziem mwa, ki apel mwa Adar. Finn osi gagn lord pou fer piyaz ar zot bann dibien.

Ester 9:18

Bann ki dan Siz, rasanble treziem ek katorziem zour. Zot repoze lor kinziem zour. Zot fer sa zour la vinn enn zour fet ek lazwa.

Psom 137:8

Zour destriksion Babilonn pou vini. Bienere sa dimoun ki pou fer ar zot seki zot ti fer ar nou

Psom 68:3

Dimoun drwat dan lazwa; zot selebre zot lazwa dan prezans Bondie, zot ranpli ar boner.

Izai 10:6

Mo pe anvoy li kont enn pei infidel. Kont lepep ar ki mo ti ankoler, mo pe anvoy li. Pou depouy zot e pou pran tou zot dibien. Pou pietinn zot kouma labou dan sime.